کوردستان تووشهاتنەیل رووژانەی بیوەرینیگ وە کۆڕۆنا راگەینێد
2020-10-19T14:19:26+00:00
شەفەق نیوز/ سامان بەرزنجی وەزیر تەندروسی لە حکومەت هەرێم کوردستان، ئمڕوو دووشەممە، راگەیان تۆمارکردن تووشهاتنەیل بیوەرینیگ وە ڤایڕۆس کۆڕۆنا لە هەرێم لەماوی ٢٤ ساعەت گوزەیشتە.
بەرزنجی لە بەیاننامەیگ رەسیە ئاژانس شەفەق نیوز وت: وەداخەو لەوەر پابەندی نەوین هاووڵاتیەگان وە ریکارە مقەیەتیەگان، رووژ لە چدشوین رووژ تووشهاتنەگان زیایەو بوون.
وئاماژەکرد وە تۆمارکردن بەرزترین تووشهاتنەگان لە هەرێم لەماوەی ٢٤ ساعەت گوزەیشتە، وەبی ئاشکراکردن ژمارەکان.
بەڵکم وەگورەی ئەو ژمارەیلە ک وەزارەت تەندروسی عراق بڵاوی کردگە، تووشهاتنەگان لە هەرێم رەسینە ١٠٣٢ تووشهاتگ لەماوەی ٢٤ ساعەت گوزەیشتە. و ئەیە یەکەم جارە ژمارەی تووشهاتنەگان لە هەرێم کوردستان لە هەزار رەد بکەێد.
