کوردستان بەیاننامەی توندیگ دەرکرد لەباوەت وەردەوامی (تەعریب) لە کەرکوک
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو سێشەممە، شەرمەزار وەردەوامبوین سیاسەت تەعریب لە ناوچە دابڕیایەگان کرد وەتایبەت لە پارێزگای کەرکووک، ودووپاتکرد ک ئەیە دووارەکردنە لە سیاسەت رژیمە وەرینەگان ک حکومەت هەرێم وەپی رازی نێەوود.
بارزانی لە بەیاننامەیگ رەسیە ئاژانس شەفەق نیوز وت: وە نیگەرانی فرەیگ چەودیری کەیمن لە دۆخەگان ناوچە کوردستانیەگان لەدەیشت ئیدارەی هەرێم، وەتایبەت لە پارێزگای کەرکووک، وئەوەگ کەفێدە وەری لە سیاسەت تەعریب وئاڵشکردن دیمۆگڕاڤی وشیوەیگ وبەڕنامەیگ زانابوین، لە دووارەکردن ئاشکرایگ لە سیاسەت تەعریب ک لەخود ناوچەەکان کریا لە سەردەم رژیمە وەرینەگان.
وتیش: بەڵکم ئەوەیگ هیلێد هەست وە بیزای وسەرسامی بکەیمن ک ئەوە لەسای رژیمیک دیموکراتی لەعراق جیوەجی بکریەێد، ک ئەو دەستورە لەبانی زاڵە ک نەخشەی ریەگە دانا ومیکانزم کونجانن رەوشەگان لە ناوچە دابڕیایەگان، وهەمیش بڕیارداین چارەنووسی.
بارزانی وە توندی شەمەزار سیاسەت تەعریب ناوچە دابڕیایەگان کرد وەتایبەت کەرکووک، وخەختکرد هەنای وت: ئیمە وەی سیاسەتە رازی نێوەیمن، وەتایبەت نیشتەجیکردن ئەوانک هاووڵاتی رەسەن ئی ناوچەیلە نیین، ونیشتەجی کردنیان لە ئاوای وناوچە کوردەگان، وتاڕانن هاوڵاتیە کورد وتورکمانەگان لە ئاوایەیلیان و تاڵان زەویەیل کشتوکاڵییان و پەخشینیان وە ئەیانگ لە ماوەی ٣٥ ساڵ سوودمەن بوینە لە سیاسەتەیل رژیم وەرین.
بارزانی داوا لە حکومەت فیدڕاڵی کرد ئەرک رەسەن خوەی بوێد و دەسەڵاتە دەستووریەگاتی وەکاربارێدر وە فەرمان داین وە بەشیک لە ئیدارە خۆجێیەگان تا وازبارن لەی رەفتارەیلە، وهەمیش نواگردنیان لە بردن کەرتە سەربازیەگان ودەزگا ئەمنیەگان ئەرا جیوەجیکردن ئی سیاسەتەیلە.
ودووپاتکرد لە گرنگی کونجانن رەوشەگان لەی ناوچەیلە، و جیوەجیکردن مادەی ١٤٠ لە دەستور، وئەرا چارەسەرکردن ئی گرفتەیلە شاندیگ ئەرگدار کردیمن ئەرا سەردان بەغداد.
هەمیش بارزانی داوا لە شاند نەتەوە یەکگرتووەکان وە دەسوەردان ئەرا وسانن ئی پێشێلکاریەل مەترسیدارەیلە دژوە هاووڵاتیە رەسەنەگان لە دویرەوخستن، لەلایەن ئیداری و سەربازی و ئەمنی، و بردن زەوەیل کشتوکاڵییان و داراییان و بارکردنیان لە ئاوایەیلیان.
بارزانی هەمیش هووشداری کرد و وت: چەسپانن ئی سیاسەتە کاریگەری لەبان ئاشتی کۆمەڵگا دیرێد لەی ناوچەیلە ک خوازیمن بوونە شوونیگ ئەرا پێکەوەژیان وبرایی لەناونی پێکهاتەیلی.
