چوار هاوڵاتی ئیلام فەیلی لەماوەی 24 ساعات گوزەشتە وە ڤایرۆس کۆرۆنا مردن  

چوار هاوڵاتی ئیلام فەیلی لەماوەی 24 ساعات گوزەشتە وە ڤایرۆس کۆرۆنا مردن   
2021-11-08T14:26:42+00:00

شەفەق نیوز/ موحەمەد کەریمیان سەرۆک زانکۆ زانستە پزیشکیەکان لەپارێزگای  ئیلام فەیلی، ئمڕوو دووشەممە، راگەیان لە ماوەی 24 ساعات گوزەشتە 4 کەس وە ڤایرۆس کۆرۆنا گیان لە دەس دانە.  

سەرۆک زانکۆگە لە بەیاننامەێگ راگەیان، ‌ئامار شمارەی تۊیشهاتن و بەستەریکردن وە لێشاو رووی لە بەرزەوبۊینە کەێد ئی بەرزەوبۊینە ترس شەپۆڵ شەشەم کۆرۆنا لە ئێلام فەیلی فیشتر کردیە، لە وەختێ ئامارەێلە نیشان دێد پارێزگاگە هێمانێ لە شەپۆل پەنجەم قورتاری نەوییە،    

هاوتا شەپۆل پەنجەم وشەشەم کۆرۆنا وە کارەسات باس کرد و وت: شمارەی کەسێلە هانە خەسخانە 105 کەسە 32 کەسیان هان لەپسای مەترسیدارێگ.    

کەمی ماسک وەکارهاوردن و و ئاسایی ئێسفا کردنی ئوو پابەن نەۊین وە لایەنی تەندروسی ، ئامادەبۊین لە شوون گشتیەێلە، وەشداری لە پرسە و سۊیر و گردەوبۊین و گەشت کردنەێلە ئامار تۊیشبۊین و بەستەری کردن بەرزەو کردیە، ئوو پاریزگاگە لە شەپۆل پەنجەم مەنییە و نزیکە ئەود لە شەپۆل شەشەم.    

کەریمیان وتیش؛ فیشتر بۊین بیماریەگە ها وەگەرد سەردان نەکردن بیمارەێلە ئەرا بنکە دەرمانییەێل و خوەێ دەرمانی کردن لە ماڵ  و پشت گوش خسن بیماریەگە بۊیە مدوو فیشتر بۊین ئامار بەستەری کردن و مردن وەپەتاگە لە پارێزگای ئیلام فەیلی.    

Shafaq Live
Shafaq Live