وە هاز 3.8 پلە.. زەۊلەرزەیگ دەێدە پارێزگای دهۆک

شەفەق نیوز - دهۆک

سەرچەوەیگ لە دەسەی کەشناسی و چەودیاری زەۊلەرزە لە وەزارەت گواستنەوە، ئمڕوو شەممە، خەوەر دا وە توومارکردن زەۊلەرزەیگ کە هازەگەی رەسیە 3.8 پلە وەپەی پەیمانەی رێختەر لە پارێزگای دهۆک.

سەرچەوەگە لە  ئەرا ئاژانس شەفەق نیوز وت، کە زەۊلەرزەگە لە دۊری نزیکەی 25 کیلۆمەتر لە شار زاخۆ رۊ داگە، لە نزیک ناوچەی سنوورەیل عراقی تورکی سووری.

دیاری کرد کە زەۊلەرزەگە توومار کریاگە لە چوارچیوەی چالاکی زەۊلەرزەیی لە ناوچەگە، لە وەختیگ تا ئیسە زانیاری نەڕەسیەسە دەس لەباوەت رۊداین زیانەیل گیانی یا ماددی وەهووکار زەۊلەرزەگە.