وێنە.. ئەربیلیەگان روی کەنە فرووشتن پشتدەسە ئەمریکیەگان
شەفەق نیوز/ بۆرسەی هەولێر لە هەرێم کوردستان، دووشەممە، داوەزینیک لە نرخ دۆلار وەخوەی دی، هەرچەن نرخە نووەگەی لەلایەن حکومەت فیدڕاڵی چەسپیا، بەڵکم رویکردن خەس هاووڵاتییەگان لە فرووستن پشتدەسەیان لە پویل ئەمریکی کاریگەریگ تر داشت.
پەیامنێر ئاژانس شەفەق نیوز وت: بۆرسەی پارێزگای هەولێر رویکردن گەورایگ لەلایەن هاووڵاتییەگان ئەرا فرووستن کۆلارەیان وەخوەی دی، ک بویە هووکار داوەزین نرخەگەی.
هاووڵاتی حەمید عوسمان ئەرا ئاژانس شەفەق نیوز وت؛ دۆلارەگە فرووشیمن چوونکە نرخەگەی بەرزەوبوی وهەنای نرخەکەی داوەزێد دووارە سینیمنەی، وتیش؛ ئیسە روی کەمینە هەڵگردن دینار، چوونکە باوەڕمان هەس ک ئەوەسا لە ئایندە دووارە نرخەگەی لە وەرانوەر دۆلار بەرزەو بوود.
لە وەرانوەر ئەیە، فرووستن دۆلار لایەن هاووڵاتییەگان کاریگەری لەبان نرخ خەرجکردنەگە لە بازاڕ هەولێر داشت، و نا ئارامەو بوی، و کەمترەو بوی لەو نرخەگ وەزارت دارایی عراق کرد.
کاروان محمد ک لە بازاڕ بۆرسە کار کەێد ئووشێد: مەنزەنە کەم ک هاووڵاتییەگان هەڵە کەم چوونکە نرخەگەی لەلایەن حکومەت عراق چەسپیا، و نەبایەد هاووڵاتییەگان پەلە لە فرووستن پشتدەسەیان لە دۆلار بکەن.
تاهیر ئەحمەد، خاوەن نووسینگەی خەرجکردن ئووشێد؛ گشت ئەوانەگ ئەرا دۆلار فرووستن تیەن داوای پارچە گەوراگان لە ٥٠ یا ٢٥ هەژاریەگە کەن لە پویل عێراقی تا هەمیش بخەنەی پشتەس.
و ئووشێد؛ بڕیار وەزارت دارایی عراق مەردمەگە گیژ کرد ، بەڵکم ئەوەگ ئەڵاجەویە ک بڕوا وە دینار عراقی لەدۆلار فرەتر کەن، تەنانەت دویای داوەزین نرخەگەی، چوونکە مەزەنە کەن ک بڕیاریگ وەختانەس، و ئیمە وڵاتیگ نەفتییمن و ئەوەسا دووارە نرخ پویل عراقی وەرانەوەر دۆلار بەرزەو بوود.
