وە مکیسیگ فەرمی.. نێچیروان بارزانی لە لویتکەی جەهانی کەشوهەوا لە ئیمارات بەشداری کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، شەوەکی ئمڕوو، پیشوازی لە ئەحمەد زەهراوی قونسوڵ گشتی دەوڵەت ئیمارات کرد.
بەیانامەگە وتیش: قونسوڵ گشتی ئیمارات لە دیدارەگە، کارت مکیسکردن وەلایەن محمد بن زاید ئال نهەیان دادە دەس سەرۆک نێچیروان بارزانی ئەرا سەردانکردن دەوڵەت ئیمارات و بەشداریکردن لە لویتکەی جەهانی کەشوهەوا COP28، کە لە رووژەیل ١ و ٢ لە مانگ کانوون یەکەم ئایندە لە ئیکسبۆ دوبەی وەڕیەو چوود، کە کەفێدە رووژ نیشتمانی دەوڵەت ئیمارات.
گردەوبوین ئی لویتکە لە چوارچیوەی خول ٢٨ لە کۆنگرەی لایەنەیل رێککەفتن نەتەوە یەکگرتگەیل ئەرا ئاڵشتبوین کەشوهەوا تیەێد، و لە بنەمای رێککەفتن پاریس، و ئەوەسا باس لە باوەتەیل ئاڵشتبوین کەشوهەوا و شیوەیل نواگیری کاریگەریەیلی و ئەرک دەوڵەتەیل جەهان کریەێد لە سووکەوکردن رخەیلی.
دەرفەتەیل بەرهەمهاوردن ئیمارات لە عراق و هەرێم کوردستان، و گەشەپیدان پەیوەندیەیل، و دویاترین گەشەیل ناوچەگە وەگشتی، و بڕیگ باوەت خاوەن گرنگی لەلای هەردوگ لایەنەگە، باسەیل ناو ئەو دیدارە بوین.
