وەفر و واران کوردستان گرێدە وەر وەگەرد داوەزین پلەی گەرمی
2022-12-24T08:33:46+00:00
شەفەق نیوز/ دەسەی کەشناسی هەرێم کوردستان، ئمڕوو شەممە، کەشوهەوای پارێزگایل هەرێم کوردستان لەماوەی ٤٨ ساعەت ئایندە راگەیان، مەزەنەی وەفر و واران وارین لەناو داوەزین پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: مەزەنە کریاگە پلەی گەرمی لە ٢ تا ٤ پلە لەماوەی ٤٨ ساعەت ئایندە داوەزێد، وەگەرد ئەور و واران لە گشت ناوچەیل هەرێم کوردستان وەگەرد وەفر وارین کەمیگ لەبان کوێەیلە.
بەیاننامەگە وتیش: پلەی گەرمی مەزەنەکریاگ لە ماوەی ٤٨ ساعەت ئایندە وەیجویرە بوود:
هەولێر ١٦ پلەی سیلیزی، سلێمانی ١٤ پلەی سیلیزی، دهۆک ١٥ پلەی سیلیزی، هەڵەبجە ١٥ پلەی سیلیزی، سۆران ١٢ پلەی سیلیزی، گەرمیان ١٩ پلەی سیلیزی، زاخۆ ١٥ پلەی سیلیزی.
ناوچەیل فراوانیگ لە عراق، بیجگە هەرێم کوردستان و بەشیگ لە پارێزگایل ناوڕاس و باکووری واران رفتیگ وەخوەی دی، ک یە دوو ساڵە وڵاتەگە ئیجیورە وەخوەی نەیە.
