وەزارەت دارایی هەرێم کوردستان دەسکەێدە بەشەوکردن مووچەی تەشرین یەکەم
2021-10-24T08:44:49+00:00
شەفەق نيوز/ وەزارەت دارایی و ئابووری لە هەرێم کوردستان، ئمڕوو یەکشەممە، راگەیان ئەوەسا لە رووژ ٢٥ ئی مانگە دەسکەێدە بەشەوکردن مووچەی فەرمانبەر وکارمەنەیل کەرت گشتی ئەرا مانگ تەشرین یەکەم.
وەزارەتەگە لە بەیاننامەی کوڵبریگ رەسیە ئاژانس شەفەق نیوز وت: سوو دووشەممە دەسکەێدە بەشەوکردن مووچەی تەشرین یەکەم، و دیاری کرد ک وەزارەت تەندروسی یەکەمین وەزارەتە ک ئەوەسا مووچە وەبی بڕین وەگورەی میکانیزم مانگ گوزەیشتە وەرگرێد.
