وەزیریگ: هەرێم کوردستان بڕیار قەیەغە نەیاگە ئەرا رووژەیل جەژن
2020-07-28T10:43:54+00:00
شەفەق نیوز/ سامان بەرزنجی، وەزیر تەندروسی لە هەرێم کوردستان، ئمڕوو سێشەممە، راگەیان دەسەی حکومەتی باڵای دژوە ڤایڕۆس کۆڕۆنا بڕیار قەیەغەی هاتووچگن لە ماوەی رووژەیل جەژن قوربان نەیاگە.
بەرزنجی لە وتاریگ رۆژنامەوانی ئمڕوو وت: ئەو بڕیارەیلە ک دەسەگە لە هفتەی گوزەیشتە دەریان کرد هیمان جیگرن، وهیچ ئاڵشت نەوینە، وتیش: تا ئیسە دەسەگە بڕیار قەیەغەی هاتووچگن لە رووژەیل جەژن نەیاگە.
لەباوەت ڤایڕۆس کۆڕۆنا بەرزنجی وت: حکومەت فیدڕاڵی لە بەغداد بڕیاردا بوودجەیگ وەبایی یەک ملیار دینار تایبەت وە کۆڕنا رەوانە بکەێد.
