وەزیر ناوخۆی هەرێم: بەرزەوبوین ئاست تاوانەیل وەشیوەی وەرچەویگ
شەفەق نیوز/ رێبەر ئەحمەد وەزیر ناوخۆ لە هەرێم کوردستان، ئمڕوو سێشەممە، خەوەردا لە بەرزەوبوین ئاست تاوانەیل وە شیوەی وەرچەویگ لە هەرێم کوردستان، وە هەومار هاوکاری نەکردن لەلایەن دەسەڵاتەیل دادوەری وەگەرد هێزەیل ئەمنی.
وەزیرەگە لە وتاریگ لە مەوقەی بەشداریکردنی لە خولیک لەلایەن وەڕێۆبەرایەتی گشتی پۆلیس هەرێم کوردستان ئەرا کارکردن لەبان دەسگیرکردن توومەتبارەیلە هات ک فەرمانیان دەرچگە.
ئەحمەد لە وتارەگەی وت: ئاست تاوانەیل لە هەرێم کوردستان وەشیوەی وەرچەویگ زیایەو بویە، ئەوەیش وە هووکار هاوکاری نەکردن دادوەری وەگەرد دامەزراوەیل ئەمنی، و داوا لە دادوەری و دادگایلە کرد هاوکاری وەرد دەزگایل ئەمنی بکەن و مەرقەز هەر توومەتباریگ نەکەن ئەگەر ماف کەفالەت نەیاشتن تا مەوقەی دادگاکردن.
وتیش: بایەتە چارەی گرفتەیلە لە دانیشتن کۆمەڵایەتی لە دەیشت دادگا نەکریەێد، چوینکە یەکیگ لە هووکارەیل تاوانەیلە لە هەرێم کوردستان ئەوەسە م نواگیریگ لەنوای تاوان نیە و توومەتبارەیلە وەگورەی یاسا سزا نیریەێن، بەڵکم تاوانەگە کریەێد ئیجا لە دەیشت دادگا وە شیوەی کۆمەڵایەتی ئاشتەو بوون و واز لە باوەتەگە تیارن.
وەزیر ناوخۆی هەرێم وتیش: داوا لە لایەنە سیاسیەیلە و هاووڵاتییەیلە کەیمن لەوەر هەرچەگ بویە توومەتبارەیل نەشارنەو، چوینکە نووڕیمنە ک لەوەر چەن دەسپیچگیگ شارنەیانەو و ئەوە کاریگەری لەبان جیوەجیکردن یاسا دیرێد، و هیلێد تاوانکارەیل دە وەردەوام بوون لە تاوانەیلیان.
هەمیش وت: بایەتە تاواتبارەگە شوینیگ لە کوردستان پەیا نەکەێد، و ئەگەر ریکارە یاساییەکان سەختە کردیمن ئەوەسا ئاست تاوانەیلە کەمەو بوود، و تاوانکارەیل کە شوینیگ لەناو هەرێم کوردستان وەدەسیان نێکەفێد.
ئەحمەد باس توندوتیژی دژوە ژن لە کوردستان کرد، و وت: جووراجور شیوەیلیگ ئەرا زەرەد رەسانن وە ژن وکار تیارن، وەتایبەت سیمای کوشتن و سزانن، و جەخت کرد ک بایەتە وەرەد یەکەوە هاوکاری بکەیمن تا سنووریگ لەنوای توندوتیژی دژوە ژن بنەیمن.
لەباوەت تاوان مادە هووشبەرەیلە، وەزیرەگە وت: لەی ماوەی دویاییە ئاست وەکارهاورەیل و بازرگانەیل هووشبەرەیلە زیایەو بوی ک بار وەرپرسایەتی لە گەردن هێزە ئەمنیەیلە سەنگینەو کرد ر و داوا لە داڵگ و باوگەیلە و کۆمەڵگاگە و فەرمانگەی پەروەردە و رێکخراوەیل نا حکومەتی کرد هووشداری لە مەترسیەیل ئی دەرد رخبەرە کرد.
