وەزیر تەندروسی هەرێم: تووشهاتن وە بنچینە نووەگە زیایەو بوود و چەوەڕی ١٨٧ هەزار تاقەبەش واکسین کەیمن
شەفەق نیوز/ وەزیر تەندروسی لە حکومەت هەرێم کوردستان، ئمڕوو دووشەممە، جەخت کرد لەگرنگی سەختەوکردن ریکارە مقەیەتیەگان لەوەر بەرزەوبوین ژمارەی تووشهاتنەکان وە ڤایڕۆس کۆڕۆنا، و ئاماژە کرد ک تووشهاتنە دویایینەکان لە بنچینە نووەگە تۆمار کریان.
سامان بەرزنجی وەزیر تەندروسی لە کۆنگرەیگ رۆژنامەوانی ئاژانس شەفەق نیوز ئامادەی بوی وت: ئمڕوو بەشداری لە وەرگردن واکسینەگە لە هەرێم کوردستان کردیمن، تا پەیامیگ ئەرا پزشکەیل و کادرە تەندروسیەکان ئاڕاستە بکەیمن ک واکسینەگە بی وەیە، و هەمیش وەڵام لە گشت قسەکان بیەیمن ک ئووشن گوایە واکسینەگە خاس نییە ئەراوە لەلایەن وەرپرسەیل وەزارەت تەندروسی وەرنەگریا، ئەراوە نووڕستیمن ک بەشداریکردنمان لە وەرگردن واکسینەگە ئەرا هاندان پزشکەیل لە وەرگردنی گرنگە.
بەرزنجی وتیش؛ بڕیارە دوویەم چین لە واکسینەکان لە ١٥ی ئی مانگە لەڕی وەزارەت تەندروسی عراق بڕەسێد، و ئاماژە کرد ک ئەو بڕە ک بڕیارە بڕەسێد ١٨٧ هەزار تاقەبەشە.
وەزیر تەندروسی بانگواز ئەرا گرنگی سەختەوکردن ریکارە مقەیەتیەگان کرد، چوونکە رووژ لە دویای رووژ بەرزەوبوین تووشهاتنەکان دوینیمن، و لەماوەی ٢٤ ساعەت گوزەیشتە ٣٤٤ تووشهاتن وەگەرد چوار مردن تۆمار کریا، وتیش؛ فرەی تووشهاتنەکان لە بنچینە نووەگە بوین.
