وەزیر بەرگیری ئەڵمانیا ئەرا نێچیروان بارزانی دووپاتکرد لە پاڵپشتی وەردەوام وڵاتەگەی ئەرا هەرێم کوردستان و گشت عراق
شەفەق نیوز/ سەرۆک هەرێم کوردستان نێچیروان بارزانی، ئمڕوو پەنجشەممە، پیشوازی کرد لە وەزیر وەرگیری ئەڵمانیا بۆرسین بیستۆریۆس و شاندەگەی یاوەری وەرد شمارەیگ لە ئەندام پەرلەمانەیل فیدڕاڵی ئەڵمانیا و وەرپرسەیل سەربازی و دیپلۆماتکارەیل.
لە بەیاننامەیگ سەرۆکایەتی هەرێم هاتیە، لە دیدارەگە شێخ جەعفەر شێخ موستەفا جێگیر سەرۆک هەرێم و وەزیر کاروبار پێشمەرگە سەرۆک ئەرکان پێشمەرگە و باڵیۆز ئەڵمانیا لە عراق و نوێنەر حکومەت هەرێم کوردستان لە ئەڵمانیا ئامادەبوین و گفتوگوکریا لە دویا ئەوزەڵکردنەیل لە سوریا و کاریگەریەگانی وەبان ئەرک و چالاکیەیل هاوپەیمانی ناودەوڵەتی لە لەناوداین رێکخریاگ داعش و وەبان بارودۆخ گشتی عراق.
هەیش، رایان ئاشکرا کردن لە پەیوەنیەیل ئەڵمانیا و عراق و هەرێم کوردستان لە مژارە جیاوازەیل.
سەرۆک نێچیروان بارزانی سوپاس و پێزانین هەرێم کوردستان ئەرا پشتگیریی بەردەوام ئەڵمانیا لە عراق و هەرێم کوردستان لە گشت مژارەیلە دووپات کردد، وە تایبەت دەسخوەشی لە رۆل ئەڵمانیا کرد لە پشتیوانیکردن عراق و ههرێم كوردستان لە شەڕ دژ داعش، هەمیش هاوكاريى هێزهیل ئهڵمانياى له پرۆسهى يهكخستنهوهى پێشمهرگه و دەسمیەتیەیل ئهڵمانياى ئەرا پێكهاتهیل، وهتايبهت ئێزديەیل بەرز نرخان.
لای خوەیەو، وەزیر بەرگریی ئەڵمانیا دووپاتکرد لە پابەندیی وڵاتەگەی ئەرا بەردەوامیی پشتگیری و فراوانکردن هاریکاریی هاوبەشی وەگەرد عراق و هەرێم کوردستان لە گشت مژارەیل کردەو، هەمیش خۆشحاڵيى خوەی وە ئەرا ئەرک هێزەیلیان له ههرێم كوردستان نيشان دا و دووپاتکرد لە وەردەوام بوین.
هەڵبژاردن پەرلەمان کوردستان و تەقەڵاگان ئەرا پێکهێنان حکوومەت نوو، پهيوهندييەیل ههولێر ـ بهغدا و چەن پرسیگی جی بایەخ هاوبەش، تەوەرێیگ ترەک کووبوینەوەگە بوی.
