وەرجە پانزە ساڵ.. لە رووژیگ جویر ئمڕوو هەزار و ٣٢٠ کەس ئێزدی بوینە قوربانی

شەفەق نیوز/ وەرجە ١٥ ساڵ،  لە  سیبا شێخدر لە قه‌زای شنگال ، لە رووژیگ جویر ئمڕوو لە 14ی ئاب 2007، تیرۆریستەیل قاعیدە،  چوار ماشین پڕ TNT، زیاتر لە هەزار و 320 هاووڵاتی سڤیلی سیبا شێخدر و گرعزێریان كردنە قوربانی.

فه‌یسه‌ڵ قاسم، وەرپرس دەسەی پارتى لە سیبا شێخدر لە قه‌زای شنگال، ئەرا رووژنامەوانەیلیگ راگەیان: "ئمڕوو ساڵیاد كۆمەڵكوژی سیبا شێخدر و گرعزێرە، ك لەناوی هەزار و 320 هاووڵاتیی سڤیل بوینە قوربانی، هەنای چوار ماشین پڕ TNTی چەكدارەیل ریخریاگ تیرۆریست قاعیدە لە ساڵ 2007 لەناو خەڵك مەدەنی سیبا شێخدر و گرعزیر تەقانەو، لەو كردەوەی تیرۆریە زیاتر لە 320 هاووڵاتی گیانیان لەدەسدام و هەزار كەسیش زەخمدار بوینک كە تا ئیسەیش بەشیگ لەو زەخمدارەیلە پەکیان کەفتیە، یە بیجگە  شمارەی فرەیگ لە مناڵ و دویەت و کەیوانوو لەو كردەوەی تیرۆریە بوینە قوربانی".

باس  ئەوەیش كرد: "ئەو رووژە تەواو زەخمدارەیل ئەو كردەوە  ئەرا خەسانەیل هەرێم كوردستان بریان، لە خەسەخانەی فریاکەفتن دهۆك چارەسەریی ئەرا زەخمدارەیل كریا و خەڵك دهۆك هەڵمەت گەورەیگ خ ئەرا ئەو زەخمداریلە جیوەجی کردن، گشت ئەوانەگ  گیانیان لەدەسدان، لەلایەن حكومەت هەرێم كوردستان وە شەهید دریانە قەڵەم و خزمەت كەسوكار و میراتگرەیلیان كریا".