وە ئۆپراسیۆنیگ ناکاوی.. پێشمەرگە و هێزەیل فەڕەنسا ٨ لە داعش کوشن
2021-06-02T07:22:58+00:00
شەفەق نیوز/ هێزەیل پێشمەرگە و هێزەیل فەڕەنسا لەناو هاوپەیمانی ناودەوڵەتی، شەفەق ئمڕوو چوارشەممە، دەسکردە ئۆپراسیۆنیگ سەربازی لە قەزای دووزخورماتوو.
سەرچەوەیگ لە هێزەیل پێشمەرگە ئەرا ئاژانس شەفەق نیوز وت: دەسکریا ئۆپراسیۆنیگ هاوبەش لە ساعەتە دوو شەفەق، لە ناوچەیل زنانە و داودە لە قەزای دووز وە پاڵپشتی هەلیکۆپتەرەیل هاوپەیمان ناودەوڵەتی.
سەرچەوەگە وتیش؛ ئۆپراسیۆنەگە بویە هووکار کوشتن ٨ ئەندام لە ریخریاگ داعش، و داغانکردن دوو ماشین ووسێ ماتۆڕسکڵ وەگەرد دیوەخانەیل داعش.
