وەرپرسیگ خۆجێی: خەلک شەنگال لەوەر پەکەکە دووارە دەرچن
2021-04-06T12:29:34+00:00
شەفەق نیوز/ مەحما خەلیل قایمقام قەزای شەنگال، ئمڕوو سێشەممە، دووپات لە کۆچبردن نوویگ لەلایەن فرە لەو خیزانەیلە ک هاتنەسەو کرد، لەوەر ژاوەژاو ئەمنی و خزمەتگوزاری و هەڕەشەیل کۆمەڵە چەکدارە نایاساییەکان سەروە پەکەکە.
خەلیل ئەرا ئاژانس شەفەق نیوز وت: هاتنەوەی ئاوارەکان لە فرەی ناوچەیل شەنگال وسیاوە، و فرە لە خیزانەیل دووارە دەسکردنە دەرچگن وەرەو ناوچەیلیگ تر وەتایبەت وەرەو هەرێم کوردستان لەوەر هەڕەشەیل پەکەکه.
خەلیل ئاشکرای پیلان پەکەکە کرد ک مەدەنیەکان بکەنە قەڵغانیگ وەرانەوەر ئەو سوپا ک خوازێد وەزوور لە شنگال دەریان بکەێد، و رێککەفتنە یاساییەکان ناوبەین هەولێر و بەغداد دەربارەی شەنگال جیوەجی بکەێد.
