وەرپرسیگ تەندروسی لە هەرێم کوردستان دەس لە پۆستەگەی خوەی کیشێد

شەفەق نیوز/ هیوا مەحمود عەلی وەڕێوبەر گشتی تەندروسی ئیدارەی راپەڕین، ئمڕوو شەممە، دەسکیشانەوەی خوەی لە پۆستەگەی خستە وەردەس لەوەر هووکارەیل تایبەتیگ.

عەلی کتاویگ فەرمی ئەرا ئەنجومەن وەزیران هەریم کوردستان  و وەزارەت تەندروسی لە هەریم ئاڕاستەکرد، ئەرا رەزامەنی لەبان داوای دەسکیشانەوەگەی.

عەلی وت؛ دەسکیشانەوەگەی هات لەوەر هووکارەیلیگ تایبەت نیەیلن وەردەوامبوود لە پۆستەگەی.

ئی دەسکیشانەوە لە وەختیگ تیەێد هەرێم کوردستان کەفتیەسە وەر قەیرانیگ تەندروسی لە بڵاوبوین ڤایڕس کۆرۆنا، ک بویە جەخت گەورایگ لەبان دامەزراوە تەندروسیەگان.