وە دەسمیەتی ئاسمانی.. قورتارکردن دوو کەس لەناو ئاو لافاو گیر هاتوێن لە دهۆک (ڤیدیۆ)

وەڕێوەبەر بەرگیری شارستانی عەقید ئیبراهیم فەریق، وە ئاژانس شەفەق نیوز راگەیان "تیم قورتارکردن سەرکەفتی بوینە لە دراوردن دوو کەس کە لەناوڕاس چەم خازر گیرکردوین لەئەنجام بەرزەوبوین رێژەی ئاو وەشیوەی گەپیگ لەدویای واران وارین رفتیگ".

وتیش، "فرۆکەی هەلیکۆپتەر تایبەت وەکارهاوردنە لەدویای ئەوەگ تیمەگە سەرکەفتی نەوین لەری وەکارهاوردن کەرەستەیلتر ئەرا قورتارکردنیان".

دیاریکرد، ئەو دوو کەسە کە گیرکردبوین لە بوسانیگ نزیک چەمەگە کارکردنە وە مدوو بەرزەوبوین زوی رێژەی ئاو پەیوەنی وە لایەنەیل تایوەت کردنە و داوای دەسمیەتی کردنە وە گورجی مامەڵە وەرد رویداوەگە کریایە  ئەرا مسۆگەرکردن قورتاربوینیان وە زویترین وەخت.