وەبەرهێنار کوردستان باس لە شێواز پیشکەشکردن شوقە ئەرا کەم دەرامەتەیل کەێد

شەفەق نیوز/ دەسەڵات وەبەرهێنان لە هەرێم کوردستان ئمڕوو پەنجشەممە، ئاشکەرای شێواز پیشکەشکردن یەکەیل نیشتەجیبوینەیلە کەێد ک حکومەت هەرێم ئەرا کرێچیەیل و کەم دەرامەتیل بینای کردیە. 

لە بەیاننامیگ راگەیانن دەسڵاتەگە رەسیە وە ئاژانس شەفەق نیوز راگەیان، لە قۆناخ یەکەم دەسڵات وەبەرهێنان نمونەیگ سەرەتایی ئەرا ئەو کەسەیل ک شیاون و خوازن وەلیفەت لە 20000 یەکە نیشتەجیبوین وە کرایگریایگ وەربگرن. 

وتیش، دەسڵات وەبەرهێنان بەردەوامە لە دیزاینکردن و بیناکردن نمونەیلە وە شیوەی سەلامەتیگ و دویر لە ناتەوای.  

دیاریکرد، دەسڵات وەبەرهێنان و پەیمانگای (کان) ماوەی دوو هەفتەس لە نمونەگە کارکەن، وە لە هەفتەی ئایندە نمونەیلە کەفنەکار ئەرا پیشکەشکردن وە شیوەی ئەلکترۆنی لەرێ ئینتەرنێت، لەژیر سەرپەرشتی دەسڵات وەبەرهێنان، لە گشت بەش و ئیدارەیل سەروەخوەیی. 

وتیش، دەسەگە لە رێ سایت ئەلکترۆنی حکومەت هەرێم کوردستان و پەرەی دەسڵات وەبەرهێنان بڵاوکرێد.