وە بڕیار دادگا.. سزانن و لەناوبردن زیاتر لە نیم تەن مادەی "کبتاگۆن" لە هەولێر
شەفەق نیوز ـ هەولێر
وەڕێوەبەرایەتی نواگیریکردن مادەیل هووشبەر لە هەرێم کوردستان، ئمڕوو چوارشەممە، لەناوبردن 577کیلوگرام حەب هووشبەر لە جویر "کبتاگۆن" لە پارێزگای هەولێر راگەیان.
وەرپرس راگەیانن وەڕێوەبەرایەتیەگە رائید ئەرکان عومەر لە کۆنگرەیگ رووژناماوانی وت، لیژنەی دەسوەبان گردن و لەناوبردن مادەی هووشبەر کە وە پای ماددەی 40ی یاسای بەرەنگاربوین ماددە هۆشبەر و کاریگەرییە دەروونیەیل شمارە 1ی ساڵ 2021 لە هەرێم دروسکریاس، دویای وەرگردن رەزامەندییە فەرمیەیل لە دادگای پەیوەنیدار، دەسکرد وە سزانن و لەناوبردن ئێ بڕە.
عومەر ئاشکرایکرد، حکومەت هەرێم کوردستان گشت هەوەجەیل و ئامرازە تەکنیکیە تایبەیل ئەرا پاراستن و پارێزگاری لە ماددە هۆشبەرەیل ئەرا لیژنەگە دابینکردنە لەدویای دەسگردن وەبانیان، کاغەزەیل شمارەیگ فرە لە تاوانبارەیل وە بازرگانیکردن بڵاوکردن ئێ ئافەتە ئەرا دادگای پەیوەنیدار لە هەرێم کلکریاس، تا سزای دادپەروەرانەی خوەیان وەربگرن.
