هەولێر پلان مانگ رەمەزان راگەیان و هوشداری بازرگانەیل کەێد
شەفەق نیوز/ قایمقام پارزگەی هەولێر، ئمڕوو پەنجشەممە، راگەیان، چەودێری بەرزەوبۊن نرخەیل مادەیل خوەراکی کەن لە بازار وەگەرد نزیکبۊن مانگ رەمەزان.
نەبەز حەمید قاێمقام هەولێر هەلسیایە وە گەردین لە بازارەیل ئەرا زانین نرخ مادەیل خوەراکی داوا لە بازرگانەیل کرد نرخ بەرزەو نەکەن.
عەبدوالحەمید لە کۆنگرەیگ رووژنامەوانی ک وەی بوونە سازدریا و ئاژانس شەفەق نیوز ئامادەی بۊ وت، ئی سەردانیکردنە وەگەرد دەسەی تایبەت لە پارێزگای هەولێر کریایە ئەرا چەودێریکردن بارودۆخ بازار وە تایبەت ک ئیمە هایمنە پیشوازی کردن لە مانگ رەمەزان، لەوەنەگ بڕیگ بازرگان هەڵسن وە بەرزەوکردن نرخ، وتیش، " ئیمە چەودێری بارودۆخ بازار وە وەردەوامی کەێمن وەلایەن دەسەیگ تایبەت، داواکاری فرە لەبان سەنین مادەیل خوەراکی وە تایبەت شیرین بوودە پاڵنەریگ ئەرا بازرگانەیل نرخەیلە بەرزەو بکەن".
وتیش" ئی دەسە وە وەردەوامی چەودێری بازار و نرخەیلە کەێد و توان دڵنیایی وە مردم بیەن ری وە بازرگانەیل نرخەیلە بەرز بکەن.
