هەولێر لێکۆڵینەوەیگ دەربارەی مردن ژنیگ واز کەێد دەرمان لەڕی ئەنتەرنێت سەنیە

شەفەق نیوز/ وەڕێۆبەرایەتی تەندروسی گشتی لە پارێزگای هەولێر، ئمڕوو شەممە، راگەیان وازکردن لێکۆڵینەوەیگ دەربارەی مردن ژینگە لەوەر خواردن دەرمانیگ لەڕی ئەنتەرنێت سەنیەسەی.

وەڕێۆبەرایەتیەگە لە بەیاننامەیگ ئمڕوو دیاری کرد ک دویای بڵاوبوین خەوەرەیلیگ دەرباری مردن ژنیگ ١٩ ساڵان لە خەسەخانەیگ تایبەت لە هەولێر، گوایە لەوەر خواردن دەرمانیگ لەڕی ئەنتەرنێت کەفتیەسە دەسی مردگە.

بەیاننامەگە وتیش؛ تیمیگ لە وەڕێۆبەرایەتی تەندروسی هەولێر لەمەوقەی بڵاوبوین ئەو خەوەرەیلە لێکۆڵینەوەیگ لەو باوەتە واز کرد، و دووپات کرد ک تەقەلایل ئاشکراکردن هووکارەیل زانستی ئەرا مردنی وەردەوامن، و هەر شیوەیگ بوود ئەوەسا پێشێلکارەیل کەفنە وەر یاسا.