٢٥ هەزار تەن تۊیم گەنم و جۊیە بەشکریەێدە کشاوەرزەێل ئیلام فەێلی
2021-11-09T17:48:52+00:00
شەفەق نیوز/ وەڕێوبەر رێکخریاێگ کشاوەرزی ئیلام فەیلی، ئمڕوو سێشەممە، راگەیان 25 هەزار تەن تۊیم گەنم و جۊیە جوراوجور و وە کوالێتی بەرز و تەندروس هالە بەش کردن وە کشاوەرزێلە.
وەڕێوبەرایەتیەگە لە کۆنگرەێگ رووژنامەوانی خەوەردا، لەی بڕ دیارکریاگە تا ئیسە سێ هەزار و 500 تەن تۊیم گەنم و 300 تەن تۊیم جۊیە ئەرا کشاوەرزەێلە بەشکریاگە و تا وەرز درەو وەردەوامی دێرد.
باسکرد، ئمساڵ 65 هەزار هکتار لە زەوی دەیمی و 88 هەزار هکتار لە زەویەێل ئاوی پارێزگاگە چێنە ژێر درەو گەنم و جۊیە وەگورەی پیشبینی یەکەمیەێل چەوەرێن ئمساڵ 300 هەزار تەن گەنم لە پارێزگاگە بەرهەم باێد.
