هەڵەیگ پزیشکی گیان گەنجیگ سینێد لە کەرکوک خانەوادەگەی داوای یاسایی توومارکەن
2023-10-28T13:45:05+00:00
شەفەق نیوز/ سەرچەوەیگ ناوخوەیی لە پارێزگای کەرکوک، ئمڕوو شەممە، خەوەردا لە مردن گەنجیگ لەناو تەمەن بیسەیل لەوەر هەڵەی پزیشکی لە خەسخانە مەوقەی ئەنجامداندان نەشتەرگەری، خێزانەگەی دووپاتکردنە داوای یاسایی توومارکەن.
سەرچەوەگە وە ئاژانس شەفەق نیوز وت " گەنجیگ 26 ساڵان لە خەسخانەیگ ئەهلی لە شار کەرکوک مردیە لەئەنجام هەڵەی پزیشکی ئەنجامدان نەشتەرگەری (مایەسیری) لەدویای ئەوەگ تویش کاریگەری لاوەکیەیل بوود وەلەوەڕ نەشتەرگەریەگە بارودۆخ تەندروسی تێکچوود و بوودە هووکار مردنی".
وتیش " دەسڵاتدارەیل تایبەت لێکۆڵینەوە لە رویداوەگە وازکردنە ئەرا ئاشکەراکردن رویداو و هووکارەیلی".
داڵگ کوڕەگە ئەرا ئاژانس شەفەق نیوز دووپاتکرد، " کوڕەگەی وەرجە نەشتەرگەریەگە تەندروسی فرە خاس بویە لەدویای ئەنجامدان ئەوە وە چەن ساعەتیگ تەندروسی تێکچی و بویە هووکار مردنی".
وتیش " کوڕەگەم هویچ بیمارییگ نەیاشتیە، تا ئیسە هووکار راستەقینەی مردنی نیەزانم"، دووپاتکرد داوای یاسایی دژ لایەنەیل کەمتەرخەم توومارکەێد لە خەسخانەگە هووکار لە دویای کۆتاییهاتن پرۆسەی شیکاریکردن وەلایەن پزیشک دادوەری".
