هەرێم کوردستان نزیکەی ٥ مەلیۆن خا لە رووژیگ بەرهەم کەێد
شەفەق نیوز/ فیراس سدیق وەڕیەوبەر گشتی سامانەیل ئاژەڵی لە هەرێم کوردستان، ئمڕوو یەکشەممە، وت: هەرێم کوردستان ١٣ هەزار کارتۆن خا لە رووژیگ بەرهەم کەێد (4.680.000 خا)، وتیش: هەرێم کوردستان نزیکەی ٨ هەزار کارتۆن بەێد، و زیایەگە ئەرا پارێزگایل ناوڕاس و باشوور عراق هەناردە کریەێد.
سدیق ئەرا ئاژانس شەفەق نیوز وت: بەرهەم خا لە هەرێم کوردستان وە شیوەی وەرچەوەیگ لە ماوەی سێ ساڵ گوزەشتە گەشە کرد، ئەوەیش لەوەر بڕیار قەیەغەی هاوردەکردن خا لە دەیشت، ک هاوکار بوی لە زیایبوین پڕۆژەیل بەرهەم خا.
وتیش: شمارەی پڕۆژەیل بەرهەم بەرهەمکردن خا وەرجە بڕیار قەیەغەی هاوردە ١١ پڕۆژە بوی، باوجی وە گشت توانای کار نەکردیاد، لەوەر ئەو پەکەکفتنە لە رکابەری نرخەیل خای هاوردەی دەیشت، ک تەنیا ٥٠% لە وزەگەی کار کردیاد و جاروباریش کەمتر بوی.
وتیش: شمارەی پڕۆژەیل بەرهەم خا لەی وەختە رەسێدە ٢٧ پڕۆژە لە پارێزگایل هەرێم کوردستان، و ٢٤ پڕۆژەیش هانە ژیر دامەزراننز و دیاری کرد ک جارانی ٢٥٠٠ تا ٣ هەزار کارتۆن خا لە رووژیگ بەرهەم کردیایمن، باوجی ئیسە ١٣ هەزار کارتۆن لە رووژیگ بەرهەم کەیمن.
سدیق وتیش" هەرێم کوردستان ٧ هەزار کارتۆن لە رووژیگ خوازێد، و لەی مەوقە ئەوەگ زیایە ئەرا ناوڕاس و باشوور عراق هەناردە کریەێد.
