هەرێم کوردستان مەرز نوویگ وەگەرد تورکیا واز کەێد.. وینە
2023-05-10T15:03:21+00:00
شەفەق نیوز/ ئیدارەی سەروەخوەی سۆران لە هەرێم کوردستان، ئمڕوو چوارشەممە، وازکردن دویەم مەرز ناودەوڵەتی ئەرا هەرێم کوردستان وەگەرد تورکیا وە شیوەیگ فەرمی راگەیان.
راگەیانن ئیدارەی سۆران لە بەیانامەیگ رەسیە ئاژانس شەفەق نیوز وت: کار لەی دەروازەی ناودەوڵەتیە وەناو (زیت) لەناو سنوور سۆران لە ساڵ ٢٠٢١ دەسوەپی کریاگە، و بیجگە ئەوەگ ئەرا هامشوو گەشتیاری گونجیاگە، هەمیش دەروازەی جموجویل بازرگانیە.
بەیاننامەگە لە زوان هەڵگورد شێخ نەجیب سەرپەرشتیار ئیدارەی سۆران وت: کار ئەرا ئەوزەڵکردن لایەن بازرگانی لەی مەرزە وەردەوامە، وتیش: دەروازەگە لە ساعەت هەیشت شەوەکی تا هەیشت ئیوارە وازە.
وەگورەی بەیاننامەگە، مەرزەگە کەفێدە ناحیەی شێروانمەزن لە قەزای مێرگەسۆر، و ئەوەسا بوودە مەرزبگ ناودەوڵەتی نوویگ ناوبەین هەرێم کوردستان و تورکیا.
