هەرێم کوردستان زیاتر لە ٥٠٠ تووشهاتن وە کۆڕۆنا لە ماوەی ٢٤ ساعەت تۆمار کەێد

شەفەق نیوز/ وەزارەت تەندروسی لە هەرێم کوردستان، ئمڕوو یەکشەممە، راگەیان تۆمارکردن زیاتر لە ٥٠٠ تووشهاتن وە ڤایڕۆس کۆڕۆنا لە ماوەی ٢٤ ساعەت گوزەیشتە.

وەزارەتەگە لە بیەیاننامەیگ رەسیە ئاژانس شەفەق نیوز وت: ئمڕوو ٥٣٧ تووشهاتن نوو وە ڤایڕۆس کۆڕۆنا تۆمار کرد، وەیجوورە بەشەو بوینە: ٢٩٧ هەولێر، ٥١ سلێمانی، ٢٦ گەرمیان، ١٣٤ دهۆک، ٢٩ هەڵەبجە.

بەیاننامەگە ئاماژەدا ک خاسەوبوینەگان ئمڕوو ٢٨٩ کەس بوین، وەیجوورە: ١١٤ هەولێر، ٢٤ گەرمیان، ١٣٥ دهۆک، ١٦ هەڵەبجە.

بەیاننامەگە باس کرد مەرنەگان ئمڕوو ٢١ تووشهاتگ بوین، وەیجوورە: ١٢ هەولێر، ٣سلێمانی، ٢ گەرمیان، ٢ راپەڕین.

و بڕ گشتی ژمارەی تووشهاتنەگان ڤایڕۆس کۆڕۆنا تا ئیسە رەسیە: ٢١١٩٧ کەس، لە لیان ١١٤٩٤ خاسەوبوین، و٧٥٣ مردن.