هەرێم کوردستان: دەرەیل مەکتەوەیل وەگەرد بەرزەوبوین کۆڕۆنا واز نێکریەن
شەفەق نیوز/دەسەی پەروەردە و خوەنەواری لە پەرلەمان هەرێم کوردستان، ئمڕوو چوارشەممە، دووپات کرد ک توانای هاتنەوەی دەوام ئامادەبوین لە مەکتەوەیل لەسای زیایبوین ژمارەی تووشهاتنەکان وە ڤایڕۆس کۆڕۆنا لە هەرێم کوردستان نییە.
عەبدولسەلام دولمەری وەرپرس دەسەگە لە کۆنگرەیگ رۆژنامەوانی لە ناو پەرلەمان و ئاژانس شەفەق نیوز ئامادەی بوی وت: لەلای گشتی زانریاگە ک لەی مەوقە و لەوەر بەرزەوبویە گەوراگە لە ژمارەی تووشهاتنەکان وە ڤایڕۆس کۆڕۆنا، توانای وازکردن دەرەیل مەکتەوەیل ئەرا خوەنەوار و مامووستایل نییە، و کەسیگ ئامادە نییە ئی وەرپرسایەتی گەورا بخەێدە گەردن خوەی، و ملهڕی وە ژیان خوەنەوار و مامووستایل بکەێد.
وتیش: پشتگیری لە خوەنەواری ئەلیکتڕۆنی نێکەیمن، چوونکە ١٠٠ لەسەد یەکسانی لە خوەتستنەکە وەدەس نیارێد، وتیش؛ ئەگەر رییگ تر پەیا نەوود بی گومان ک ئەوەسا خوەنستنەگە وەڕی ئەلیکتڕۆنی وەردەوام بوود.
