هەرێم کوردستان ٥٠٥ تووشهاتن و ٦ مردن وەکۆڕۆنا تۆمار کەێد

هەرێم کوردستان ٥٠٥ تووشهاتن و ٦ مردن وەکۆڕۆنا تۆمار کەێد
2021-03-19T13:47:26+00:00

شەفەق نیوز/ وەزارت تەندروسی لە هەرێم کوردستان، ئمڕوو جمعە، راگەیان تۆمارکردن ٥٠٥ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە.

وەگورەی بەیاننامەی وەزارەتەگە، تووشهاتنەکان وەیجوورە بەشەوە بوین: ١٦٨ هەولێر، ١٢٦ سلێمانی، ١٩٣ دهۆک، ١٨ گەرمیان.

هەمیش ١٩٢ بیمار لە پەتاگە خاسەو بوین وەیجوورە: ٧٤ هەولێر، ٦٢ سلێمانی، ٤٤ دهۆک، ١٢ گەرمیان.

ولەماوەی ٢٤ ساعەت گوزەیشتە، ٦ کەس لەوەر پەتاگە مردن؛ ٣ لە هەولێر، ٣ لە دهۆک.

وەیەوە گشت ژمارەی تووشهاتنەکان لە هەرێم کوردستان رەسێدە ١١٥٠١٥، ١٠٦٥١٥ لەلیان خاسەو بوینە، و ٣٥٨٥ مردنە.

Shafaq Live
Shafaq Live