هەرێم کوردستان ئامادەکاری ئەرا پیشوازیکردن وە میوانەیل نوروز کەێد
شەفەق نیوز/ دەسەی هوتێل و چێشتخانەیل لە هەرێم کوردستان، ئمڕوو شەممە، راگەیان دەسکردن وە ئامادەکاری ئەرا پیشوازیکردن لە گەشتیارەیل ک لە ناوڕاس و باشوور عراق تیەن، ئەرا کەرنەڤاڵ جەژن نەوروز و سەرساڵ کوردی نوو. شوکر عەزیز جیگر سەرۆک دەسەگە ئەرا ئاژانس شەفەق نیوز وت: نزیکە شۊنگردن بڕەسێدە لوتکە، و خوەشمان تیەێد ئی وەرز گەشتیاری وەهارە فرە پڕەو بوود.
عەزیز وتیش: ئیسە نزیکە فرەی شۊنگردن لە گشت هوتێلەیل تەواو بوود، و سوو وەگەرد دەزگای گەشتوگوزاری ئەرا بردن ریکارەیل گونجیاگ و رێکخستن بەشیگ لە ئاهەنگ و بوونەیلەی جەژن نەوروز ئامادە کەیمن ئەرا ئەو گەشتیارەیلە ک لە ناوڕاس و باشوور وڵاتەگە تیەن.
هەرلیوا نەبەز عەبدولحەمید قایمقام قەزای هەولێر ئەرا ئاژانس شەفەق نیوز وت: گشت رێکارەیل لە خاڵەیل وەناوهاتن هەولێر کریاگە ئەرا گشت ئاسانکارییگ ئەرا وەناوهاتن گەشتیارەیل.
