نرخ گوشت سوور لە سلێمانی کەمەوکریا
2023-04-13T12:01:29+00:00
شەفەق نیوز/ وەڕێەوبرایەتی چەودێری بازرگانی سلێمانی، ئمڕوو پەنجشەممە، بڕیاردا لەباوەت کەمەوکردن نرخ گوشت سوور وەپای بڕیارەگە هەردگ جویر گوشت کاوڕ و گوور ئەرزان کریەێد.
لە نویسریاییگ ک واژووی سۆران عەبدولغەفور وەڕێەوبەر وتاق چەودێری بازرگانی سلێمانی لەبانیە هاتیە، نرخ یەک کیلو گوشت کاوڕ لە 22 هەزار کەمەوکریەد ئەرا 20 هەزار و نرخ گوشت گوور کریەێدە 19 هەزار دینار.
لەماوەی گوزەشتە نرخ گوشت سوور لە شار سلێمانی بەرزەوبوینیگ وەرچەو وەخوەیەو دی و نرخ هەر کیلویگ گوشت کاوڕ لە 16 ئەرا 18 هەزارەوە ئەرا 22 هەزار بەرزەوبوی.
دیاریکرد، لەوەخت هەر سەرپیچییگ هاوڵاتیەیل پەیوەنی وە لیژنەی چەودێری بازرگانیەو بکەن.
