ناوخوەیی کوردستان ریسای رەفتار نوویگ ئەرا پولیس دانەێد دۊای گفتوگۆیەیلیگ کە 3 رووژ وەردەوام بۊن

شەفەق نیوز- هەولێر

وەزارەت ناوخوەیی لە حکومەت هەرێم کوردستان، رووژ سێشەممە، خەوەردا لە کووتاییهاتن وە گفتوگۆیەیل خەسیگ کە سێ رووژ وەردەوام بۊن، وە ئامانج رێکەوخستن ریسایەیل رەفتار و رێکارەیل پەیاڕەوکریاگ لەلایەن هیزەیل پولیس لە رەفتارکردن وەگەرد هاووڵاتییەیل.

وەڕیەوبەر گشتی دیوان وەزارەت ناوخوەیی، هێمن میرانی، لە کۆنگرەیگ رووژنامەوانی کە ئاژانس شەفەق نیوز ئامادەی بۊ، وت "گفتوگۆیەیل بەرهەمدار بۊن وە ئامادەکردن رەشنویسیگ یاسایی گشتگیر کە ئامانج لەلی زیایکردن پابەندبۊنە لە رزەیل پولیس و داڕشتن ریسای رەفتار نوویگ کە بەرژەوەنی هاووڵاتییەیل مەوقەی رەفتارکردن وەگەرد رۊیداو و رەوشە جۊراوجۊرەیل رەچاو بکەێد".

میرانی دیاری کرد کە "گامە نووەیل هاوردنەناو نووترین سیستمەیل تەکنەلۆژی و کەرەستەیل خوازیاگ ئەرا پەرەپیدان کار پولیس لەخوەی گرێد، وە جۊریگ کە وەگەرد ئاڵشتکارییە نووەیل لەی کەرتە بگونجێد"، دووپات کرد کە "ئی رێکارەیلە یەکگرن و تەواوکەرن وەگەرد چوارچیوە یاسایی و ریسایەیل کارپیکریاگ کە لە پەرلەمان کوردستان دەرچگنە و تایبەتمەندن وە کار وەزارەت ناوخوەیی".

دیاری کرد کە "ئەو دیدارەیلە کە ئەرا ماوەی سێ رووژ وەردەوام بۊن وە شیوەیگ سەرەکی رووشنایی خستنە بان رێکخستن پەیوەندی راسەوخوەی ناوەین پیاوەیل پولیس و هاووڵاتییەیل، و هیچ باسیگ لە پرسە ریخریاوەیل ناوخوەیی ئەرا دەزگای ئەمنی نەکردن".