ناوخۆی کوردستان بڕیارەیل نوویگ دەربارەی ریکارەیل کۆڕۆنا دەرکەێد

ناوخۆی کوردستان بڕیارەیل نوویگ دەربارەی ریکارەیل کۆڕۆنا دەرکەێد
2020-10-24T18:30:41+00:00

شەفەق نیوز/ وەزارەت ناوخۆ لە حکومەت هەرێم کوردستان، ئمڕوو شەممە، بڕیارەیل نوویگ لەباوەت ریکارە چەیپیایەگان لە مقەیەتی لە ڤایڕۆس کۆڕۆنا دەرکرد.

وەزارەتەگە لەبەیانامەیگ رەسیە ئاژانس شەفەق نیوز وت: دویای بەیاننامەیل وەربن، ودویای کۆبونەوەی دەسەی باڵای نواگردن ڤایڕۆس کۆڕۆنا لە ١٤ی تەشرین یەکەم، وئەرا مقەیەتی ئاسایش تەندروسی هەرێم کوردستان، چەن بڕیاریگ دەرکریا، لەلیان گونجانن رەدبوون هاووڵاتی وکەسەیل بیگانە لەناوبەین هەرێم کوردستان و تورکیا لە مەرز ئیبراهیم خەلیل، و وەگەرد ئیران لە سێ مەرزەیل حاجی ئۆمەران وباشماخ و پەرویزخان، وەمەرجیگ ناوەندەبل تاقیکردنەوە لە ڤایڕۆس کۆڕۆنا بوود.

وتیش؛ تاقیکردنەوەگە لە مەرزەیل هەرێم کوردستان ئەرا ئەو کەسەیلەگ تیەنە ناو هەرێم کریەن،و ئەگەر نەگەتف بوی ری وهاتنەیان دریەێد، وبایەدە پابەندبوون وە رینمایل وەزارت تەندروسی، ودیاریکرد ئەگەر ئەنجامەگە پوزوتوف بوی رەوانە کریەێنە وڵاتەیل خوەیان بیجگە عراقیەگان.

لەباوەت بیگانە نیشتەجیەگان لە هەرێم، فیزا وەناو هاتن خوازن، رب وەهاتنیان ئەرا ناو هەرێم نیریەێد، ئەگەر فیزای ئەلیکتڕۆنی لە حکومەت هەرێم یا حکومەت عراق نەیاشتان.

بەیاننامەگە ری وە کردنەوە دوکانەیل مەکتەوەگان دا وەگورەی رینما تەندروسیەگان، وهەمیش ری وە کردنەوەی خول یەکێتی تۆپان دا وەبی ئامادەبوین هاندەرەگان.

ناوخۆ هەمیش قەیەغەی گردەوبوینەگان و کۆنگرەو کۆبونەوەگان کێد، و پابەند گشت فەرمانگە حکومەتیەگان وە ریکارەیل وەزارەت تەندروسی کرد وەتایبەت وەکارهاوردن دەمامەک، و هووشداری کرد لە هەر فەرمانبەریگ یا ئەندام هێزیگ لە ئەمن ناوخۆیی یا پێشمەرگە یا ئاسایش وە باج داین لەوەخت پێشیلکاریەگان.

وتیش؛ ئەو دەسەیلەگ وەگورەی بەیان وەرین ژمارە ٤٤ تەوەر بیس وە سەرۆکایەتی وەزارەت ناوخۆ و ئەندامی نۆێنە وەزارەت تەندروسی وفەرمانگەی هەماهەنگی و چەودیری لە سەرۆکایەتی ئەنجومەن وەزیران وەئامانج چەودیری وەزارتەیل و دەزکایل نا پەیوەندیدار وە وەزارەتیگ و لە ئاست پارێزگاگان و ئیدارە سەروەخوەیەگان و نۆێنەرەیل پارێزگاگان و ئیدارە سەروەخوەیەگان و تەندروسی و پۆلیس لە کارەیلیان وەردەوام بوون وە ئامانج چەودیری لە جیوەجیکردن رینمایل وەزارەت تەندروسی لەو شوونەیلە و بردن ریکارە یاساییەگان وەرانەوەر پێشێلکارەگان.

بەیاننامەگە ئاماژەدا لە گورجکردن تیمەیل چەودیری تەندروسی لە هەرێم و ئامانج جیوەجیکردن ریکارەیل مقەیەتی و وەردەوامی لە قەیەغەی مکیس و سوریەگان و چگن ئەرا بان قەورسان و پرسە ناین، و وتیش: وەرپرسایەتی ناودەیل پۆلیس و موختارەیل ناوچەکان هالە ئەوە و هەر کەسیگ پابەند نەوود بایی دوو مەلیۆن دینار باج خریەێدە بانی.

بەیاننامەگە پابەند گشت شوونە گشتیەگان کرد وە نەهیشتن هیچ کەسیگ باێدە ناو وەبی دەمامەک، و هووشداری پێشێلکارەگان کرد لە بەسانن دوکانەیلیان تا ماوەی ١٠ رووژ و باج خستن خاوەنەگەی وە بایی یەک مەلیۆن دینار.

بەیاننامەگە دەسەڵات داگە ژوورەیل ئۆپراسیۆنەگان لە پارێزگاگان و ئیدارە سەروەخوەیەگان لە بەسانن ئەو باواڕ و دوکانەیل جەماوەریەگ بوونە هووکار قەڕەباڵغی گەورا و گردەوبوین هاووڵاتیەگان.

بەیاننامەگە ئاماژەدا م بایەدە دامەزراوەیل کەرت تایبەت و فەرماندەیلیان و کارمەنەیلیان پابەندبوون وە دەمامەک و جیوەجیکردن ریکارەیل مقەیەتی، وهووشداری پێشێلکارەگان کرد وەباج داین بایی ١٥٠ هەزار دینار لەبان هەر پێشێلکارییگ لەو دامەزراوە.

هەمیش بەیاننامەی ناوخۆ پابەند هاووڵاتیەگان هەرێم کرد وە ريكارەیل مقەیەتی ئەگەر دوو کەس یا زیاتر بوین وە تایبەت وەکارهاوردن دەمامەک و دویرەوکەفتن کۆمەڵایەتی لە ١،٥ مەتر لەیەک کەمتر نەوود.

بەیاننامەگە هووشداری داگە هەر کەسیگ پابەندی وە ریکارەیل ئی بەیاننامە نێکەێد وە بایی ٢٠ هەزار دینار باجدان، وهەمیش هووشداری شۆفێر ماشینەگان وەگشت چینەگانیان تایبەت و بار و کرا، ئەگەر سواریگ وەگەردیان بوی بایەدە دەمامەک بووەسن، وە پێچەوانەی ئەوە بایی ٥٠ هەزار دینار باج خریەێدە بانی.

بەیاننامەگە ئاماژەدا ئەگەر وەو تەورەیل بەیاننامەگە وەرینە پابەند نەوین و لە باجداینەگان، ژمارەیگ لە ریکارەگان بریەن، لەلیان لایەنە ئەرکدارەگان وە وەرگردن باجەگان ک خوەیان دەسەیل قایمقامیەتەگان لە پارێزگاکانە و ئیدارە سەروەخوەیەگان و پۆلیس دسپلین و وەڕێۆبەر هاتووچو لەوەخت پێشیلکاریەگان لەناو ڕەو فەرمانگە ک خوەی لەبانی وەرپرسە گ، ناوەندەبل پۆلیس هاتووچو و ڕدئەفسەرەیل هاتووچو لەوەخت دەوام و ناوەندەیل پۆلیس لەوەخت دەوام.

بەیاننامەگە ئاماژەدا ک ئەو باجەیلە ک وەگورەی ئەو تەوەرەیلە وەرگریانە ئەرا سەنین پێداویستیەیل مقەیەتی تەرخان کریەن وەتایبەت دەمامەک ئەرا فەرمانگەیل حکومەت هەرێم کوردستان و ئەرا هاندان تیمەیل چەودیری وباجدان و لەلایەن وەزیر ناوخۆ و وەفەرمان وەزارەتی خەرجیان کریەن.

وتیش؛ ئەو پێشیلکاریەیلە ک باجەگەی وەرکریەێد لە ئامێر باجەگان تۆماریان کریەێد، وخریەێدە بان لیست باجەیل ماشینەگان لە وەڕێۆبەرایەتەیل هاتووچو و خریەنە بان ئەوزەڵکردن هاتووچو.

ودیاریکرد ک ئەگەر باجەگە لەلایەن پێشیلکارەگە نەدریا ، خریەێدە نزیکترین ناوەند پۆلیس و ئامانج بردن ریکارە یاساییەگان لە وەرانوەری، وەگورەی مادەی ٢٤٠ لە یاسای سزایل عراقی ژمارە ١١١ ئەرا ساڵ ١٩٦١.

بەیاننامەگە فەرمان دا وە گورجکردن ژوورەیل ئۆپراسیۆنەگان لە پارێزگاگان و ئیدارە سەروەخوەیەگان و بایەتە کۆبونەوەیل وەردەوام بکەن و ریکارەگان ڕەرا جیوەجیکردن ئی بەیاننامە ئەنجام بیەن، و ئاماژە کرد ک ئی بەیاننامە جیگر بوود لە رووژ دەرچگنی.

Shafaq Live
Shafaq Live