کۆڕۆنای هەرێم کوردستان .. ١٧ مردن ٢ ١٢٥٣ تۊشهاتن
2021-09-19T14:36:00+00:00
شەفەق نیوز/ وەزارەت تەندروسی لە حکومەت هەرێم کوردستان، ئمڕوو یەکشەممە، راگەیان توومارکردن ١٧ مردن نوو ، و ١٢٥٣ تۊشهاتن نوو وە ڤایرۆس کۆڕۆنا لە ماوەی ٢٤ سەعات گوزەیشتە لە گشت ناوچەیل هەرێم کوردستان.
بەیاننامەی وەزارەتەگە دەربارەی هەڵوێست رووژانەی پەتای ڤایرۆس کۆڕۆنا لە هەرێم کوردستان رەسیە ئاژانس شەفەق نیوز وت% تاقێگەیلی ٧٤٩٦ تاقیکردنەوە ئەنجام دان، لەناویان ١٢٥٣ تۊشهاتن ئاشکرا بۊی، ٢ هەمیش ١٤٧٦ خاسەوبۊن وەرانوەر ١٧ مردن توومار کریا.
بەیاننامەگە وتیش؛ گشت شمارەی ئەوانەگ کەرەنتین کریانە رەسیە ٢١٨٧١، و ٣٠٢٧٦٦٧ تاقیکردنەوە ئەنجام دریاگە، لەناویان ٣١٨٨٢٠ تۊشهاتن ئاشکرا بۊیە، لەلیان ٢٨٥٣٥٠ بیمار خاسەو بۊینە، و ٥٧١٢ مردنە.
