ژنەێل کوردستانی لە گشتێ فرەتر خوێن دانە

شەفەق نیوز- ژنەێل کوردستانی وە 8%، ژنەێل لوڕستانی وە 8%، ژنه‌ێل خوراسانی خوارین هەم وە ‌8% فرەترین ئامار خوێن داین دە ئێران، دە ئی هەشت مانگەک چگ، داشتنە.

قسەکەر سازمان ئنتقاڵ خوێن ئێران وتگە ناوجاێ بەشداری خوێن دە ئێران 5.2% ئەڕا ژنەێلەسە و وتگە: وه گشتی، ژن و پیاگ وە مل یەکا، ئوستان تێهران وە 15% فرەترین، ئۆستان فارس 7.5% و خوراسان رەزەوییش 7% خوێن‌بەشکەر داشتنە ک 35% لەێیان خوێنێیان O+ و 1% ئەوانیش AB- بۆوە ک خووە بزانن ئی گرووپ خوێنە دە ئێران فرە وە قنیاتە.

ئەوی دەس‌دۆماجار وتگە: ژەێلەێ ئۆستانەێل چوارمەحاڵ و بەختیاری، خوراسان خوارین و گوڵستان وەرد هورموزگان، ئیجارە پەڵتاف فرەترێ دە خوێن‌بدەری داشتنە لە چاو ئەو ئوستانەێلەگە.