نێچیروان بارزانی چەوی کەفێدە شەیبانی و دووپات لە گرنگی بەشداریکردن کورد لە بانان سوریا کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، چەوی کەفتە ئەسعەد شەیبانی وەزیر دەیشت سوریا، ئەوەیش لە کارەیل دویەم رووژ کۆنفرانس ئاسایش میونشن.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک بارزانی لە دیدارەگە دووپات لە گفتوگۆکردن لە رەوشەیل سیاسی و ئەمنی لە سوریا و عراق کرد، و باس گرنگی پتەوکردن ئارامی هەرێمی کرد.
وتیش: لە دیدارەگە باس رەوش پێکھاتەیل لە سوریا کریا، و دووپات لە گرنگی مقیەتیکردن ماف ئی پێکھاتەیلە کرد، و مسۆگەرکردن بەشدارییان لە بیناکردن بانان سوریا.
سەرۆک بارزانی هەمیش دووپات کرد لە گرنگی وەدەسهاوردن ئاشتی و ئارامی لە ناوچەگە وە گفتوگۆ و لەیەکفامسن و کار هاوبەش ناوەین گشت لایەنەیل، و دووپات لەبان مقیەتیکردن مافەیل گەل کورد و گشت پیکاتەیل سوریا کرد.
لەلای خوەییش، ئەسەعەد شەیبانی وەزیر دەیشت سوریا دووارە پابەندبوین وڵاتەگەی وە وەدەسهاوردن ئارامی لە سوریا نووەو کرد، و باس ئارەزوو سوریا ئەرا قایمکردن پەیوەندییەیل وەرد عراق و هەرێم کوردستان کرد.
شەیبانی دووپاتیش لەبان گرنگی کار هاوبەش کرد ئەرا قولیکردن هاوکاری ناوەین دوو لایەن ئەرا نواگیریکردن سەختیەیل هەرێمی.
وەگورەی بەیاننامەگە، هەردوگ لایەن باس رەوشەیل هەرێمی هاوبەش کردن، و گرنگی قایمکردن میکانیزمەیل هاوکاری بانان دیاری کردن ئەرا وەجیهاوردن ئاشتی و ئارامی ئەرا ناوچەگە.
