نێچیروان بارزانی وەگەرد وەزیر دەیشت بەریتانیا باس قایمکردن پەیوەندییەیل دووانی کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، چەوی کەفتە دەیڤد لامی وەزیر دەیشت بەریتانیا لە زنجیرەی دیدارەیل و گردەوبوینەیلی لە کۆنفرانس ئاسایش میونشن لە ئەڵمانیا.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندییەیل بەریتانیا وەرد عراق و هەرێم کوردستان کریا، و شیوەیل بەرزکردن هاوکاری لە چینەیل سیاسی و ئەمنی و ئابووری.
سەرۆک نێچیروان بارزانی لە دیدارەگە رێزگردنی لە پاڵپشتیکردن وەردەوام بەریتانیا ئەرا عراق و هەرێم کوردستان کرد، وە تایبەت لە نواگیریکردن تیرۆر و گەشەپیدان دامودەزگایەیل ئەمنی، و دووپات لەبان وەردەوامی ئی پاڵپشتیە کرد ئەرا وەجیهاوردن ئارامی لە ناوچەگە.
لەلای خوەییش، دەیڤد لامی دووپات لە پابەندبوین بەریتانیا کرد ئەرا قایمکردن پەیوەندییەیلی وەرد عراق و هەرێم کوردستان، و دووپاتیش کرد کە بەریتانیا هەر وەردەوام بوود لە پشتگیری هەرێم کوردستان.
هەمیش باس گرنگی هاوکاری هاوبەش لەباوەتەیل هەرێمی و نواگیریکردن ئاستەنگیەیل ئەمنی و ئابووری.
هەڵوژاردن پەرلەمان هەرێم کوردستان و تەقەلایل دروسکردن حکومەت هاتگ هەرێم کوردستان، و رەوشەیل سوریا، و کەشەیل ڕیشەی ناوچەگە، و بڕیگ باوەت گرنگ هاوبەش باوەتەیل ناو دیدارەگە بوین.
