نێچیروان بارزانی وەگەرد سەرۆک دادگای فیدڕاڵی گفتوگوکەێد لەبان چارەسەر یاسایی پێویست لەناوەین هەولێر و بەغدا
شەفەق نیوز/ سەرۆک هەرێم کوردستان نێچیروان بارزانی، ئمڕوو دووشەممە، لە بەغداد چەوی کەفتە سەرۆک دادگای فیدڕاڵی باڵا لە عراق دادوەر جاسم محەمەد.
لە بەیاننامەی سەرۆکایەتی هەرێم کە رەسیە ئاژانس شەفەق نیوز هاتیە، لەمیانەی دیدارەگەیان گفتوگوکردن لە گرنگی رۆل دادگای فیدڕاڵی باڵا لە چارەسەر دۆسیە هەڵواسیاگەیل لەناوەین هەولێر و بەغداد، وەرد دووپاتکرد پابەندبوین وە دەستوور عراقی جویر سەرچەوەیگ سەرەکی ئەرا لێکۆڵینەوەی دادپەروەرانە و پاراستن ماف گشت پێکهاتەیل وڵاتەگە.
بارزانی دەسخوەشی لە دادگای باڵای فیدڕاڵی کرد ئەرا رۆلی وەڕێوەچگن هەڵوژاردن پەرلەمان هەرێم کوردستان، بەشداریکردنی لە چارەسەرکردن دۆسیەیل هەڵواسیاگ، لەناویان دۆسیەی مووچە و شایستەیل، دووپاتکرد لە گرنگی رۆل دادگا لە وەرەوپیشبردن پرۆسەی دیموکراتی لە عراق.
هەردووگلا رێککەفتن لەبان پێویستی هاوکاری هاوکاری ناوەیندسڵاتدارەیل دادگا و دامودەزگایەیل فیدڕاڵی و دامودەزگایەیل هەرێم، وە ئامانج چارەسەرکردن وردەوەردەیل وەپای بنەمای یاسا و دەستوور بەشداربوون لە ئەوزەڵداین وە بیوەیی نیشتیمانی و چەسپانن سەروەری یاسا.
هەمیش گفتوگوکردن لەبان کاریگەری بارودۆخ هەرێم لبان عراق، و گرنگی دویرەوخسن وڵات لە وردەوەردەیل و دویزکردن لەبان پاراستن ئاسایش و بیوەیی لە گشت عراق.
