نێچیروان بارزانی وەرد باڵیۆز بەلجیکا باس ناکۆکییەیل هەولێر و بەغدا و ئامادەکردن رفیایەیل ئێزدی کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە دیدارەگە باس پەیوەندیەیل بەلجیكا وەرد عراق و هەرێم کوردستان کریا، هەمیش پەیوەندیەیل هەولێر و بەغدا و گفتوگۆکردن ئەرا چارەکردن گرفتەیل گیرهاتگ ناوەینیان، و گرنگی گلەوداین رفیایەیل لەچنگ داعش وەروشەیل سیاسی لە عراق و هەڵوژاردن لە عراق و هەرێم کوردستان.
نێچیروان بارزانی باس لە سوپاس هەرێم کوردستان ئەرا بەشداریکردن بەلجیکا لە هاوپەیمان ناودەوڵەتی ئەرا لەناوبردن داعش وەدەسمیەتیی ئەرا عراق و هەرێم کوردستان کرد، و هەردوگ لایەنەگە دووپات لە ئارەزوو دوانی کردن ئەرا قایمکردن پەیوەندیەیل و فراوانکردن ئاسووەیل هاوکاری هاوبەش لە گشت چشینیگ.
بەیانامەگە وتیش؛ هەردوگ لایەنەگە دووپات لە ڕای خوەیان کردن لەبان گرنگی جیوەجیکردن راس سیستەم فیدڕاڵی لە عراق و کار هاوبەش ئەرا مقیەتیکردن ئاسایش و ئارامی عراق و ناوچەگە، و باڵیۆز بەلجیکا دووارە سوپای وڵاتەگەی ئەرا هەرێم کوردستان رەسان لە شکستهاوردن وە داعش وەنواگیری تیرۆر.
لەو گردەوبوینە، هەردوگ لایەنەگە را و نووڕین خوەیان لە دویاترین نووەوبویەیل رەوش ناوچەگە وەشیوەی گشتی نشان دان.
