نێچیروان بارزانی وەگەرد باڵیۆز بەریتانیا لە عراق باس رەوشەیل سیاسی کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لەناو دیدارەگە باس رایان لەباوەت پەیوەندیەیل هەولێر - بەغداد و دانوسەنین چارەکردن گرفتەیل ناوبەینیان، و رەوش ناوخوەیی هەرێم کوردستان و باوەت هەڵوژاردن و رەوشەیل شنگال کریا.
هەردوگ لایەنەگە وە ئەرێنی باس پیشکەفتن دانوسەنین و لەیەکڕەسینەوە ناوبەین هەولێر و بەغداد ئەرا چارەکردن گرفتەیل ناوبەینیان کردن، و هاوڕا بوین لە گرنگی چارەکردن گرفتەیل ساسسی ناوخوەیی لە هەرێم کوردستان و ئەنجامدان هەڵوژاردن لە مەوقەی دیاریکریاگ خوەی.
لەباوەت رەوشەیل شنگال، هەردوگ لایەنەگە دووپات لە گرنگی مقیەتیکردن ئاسایش و ئارامی ناوچەگە، و قەیەغەکردن وتارەیل خوسەهاتن و جیوەجیکردن رێککەفتن حکومەت هەرێم کوردستان وەگەرد حکومەت فیدڕاڵی ئەرا گونجیانن رەوشەیل لە شنگال.
پەیوەندیەیل ناوبەین بەریتانیا و هەرێم کوردستان و عراق وچەن باوەتەیگتر ک خاوەن گرنگیە لەلای هەردوگ لایەنەگە باسەیل ناو ئەو دیدارە بوین ک قونسوڵ بەریتانیا لەلای هەولێر ئامادەی بوی.
