نێچیروان بارزانی وە بەغداد: تەنیا شەرمەزارکردن پەلامارەیل مووشەکی بیخودە
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، وە سەختی شەرمەزار ئەو پەلامار مووشەکیە کرد ک ئیوارەی یەکشەممە، سنوور قەزای خەبات لە هەولێر کردە ئامانج، و داوا لە لایەنە پەیوەندیدارەیل لە حکومەت فیدراڵی عراق کرد کار ئەرا پەیاکردن جیوەجکەرەیل پەلامارەیل بکەن، وسزای یاسایی وەپیان جیوەجی بکریەێد.
بارزانی لە بەیاننامیگ وت: تەنیا شەرمەزارکردن پەلامارەیل بیخودە، چۊنکە دووارەکردنی هەڕەشەیگ راسیە ئاسایش و ئارامی خەێدە مەترسی، و حکومەت فیدراڵی عراق وەرپرسە وەزوی کار بکەێد تا ئی پەلامارەیلە بوسنێد، و کار لەڕی هەماهەنگی وەگەرد لایەنەیل پەیوەندیدار لە حکومەت هەرێم کوردستان ئەرا نواگردنی بکریەێد.
دویەکە یەکشەممە، شەش مووشەک قەزای خەبات کردنە ئامانج، و بەشیگ لەلیان کەفتە پای پاڵاویگ نەفتی سەروە کۆمپانیای کار، و زورەد وە تانکییگ نەفت رەسان.
