نێچیروان بارزانی هوشداری لە رخەیلیگ لەبان هەرێم کوردستان کەێد ئەگەر هەڵوژاردن جیوەجی نەکریەێد
2023-02-19T11:40:19+00:00
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، هوشداری لەو رخەیلە دا ک هەڕەشەی شەرعیەت هەرێم کوردستان دەن ئەگەر هەڵوژاردن پەرلەمان لەی ساڵە ئەنجام نەیەێد.
سەرۆک نێچیروان بارزانی لە کۆنگرەیگ رووژنامەوانی لە پەراویز کۆنگرەی میونخ ئەرا ئاسایش وت: ئیمە بیگومان ئومید جیوەجیکردن هەڵوژاردن لەماوەی ئی ساڵە دیریمن، و دویای گلەوخواردن لە ئەڵمانیا، سەرۆکایەتی هەرێم کوردستان دەسکەێدە چەوپیکەفتن وەرد لایەنەیل سیاسی کوردستانی، و دیاری کرد ک هەڵوژاردن بوودە باوەت سەرەکی لەو دیدارەیل و گردەوبیونەیلە ک ئەوەسا هەمیش وەگەرد ئەو پیکاتەیل ئەنجام دریەن.
