نێچیروان بارزانی: هەرێم کوردستان کەفتیەسە وەر هەڕەشە و رخ نوویگ و یەکڕزی ناوبەین دوو حزبەگە خوازیمن
ئەوەیش لە وتاریگ ک دڵشاد شەهاب راویژکاری لە جیای خوەی وتەی، لەناو رسوومەیل پیشوازیکردن لە تەرم ئاکام عومەر فەرماندەی هیزەیل کۆماندۆ لە هەرێم کوردستان لە سلێمانی.
سەرۆک نێچیروان بارزانی وتیش: خاسترین وەفاداری ئەرا گیان شەهیدەیل و کەسوکاریان مقەیتیکردن دەسکەفتەیل گەل کوردستانە ک وە خوین ئی شەهیدەیلە هاتنە دەس.
وتیش: ناوچەگە ئمڕوو وە رەوشەیل سەخت و نائارام کل بوود، و هەرێم کوردستان کەفتیەسە وەر هەڕەشە و مەترسیەیەپلیگ جدی، و ئیمە ئمڕوو، و زیاتر لە هەر وەختیگ لە گوزەشتە یەکڕزی و پشتگردن و ئەوەکە پەسەنکردن و کار هاوبەش ناوبەین هیز و لایەنەیل و پیکاتەیل وە گشتی خوازیمن، وەتایبەت ناوبەین دوو حزب سەرەکی، پارت دیموکرات کوردستان، و یەکێتی نیشتمان کوردستان.
وتیش: هیز و ئامادەیی و قەوارە و قورسیمان لە بەغداد و لەلای هاوپەیمانەیل و برادەرەیلمان لە جەهان وە پشتگردن و یکڕزیمان گریە بەساگە، و لەیەک بڕیان و ناکۆکی و ئەوەکە پەسەننەکردن شکستە ئەرا گشتمان و ئەرا هەرێم کوردستانیش.
نێچیروان بارزانی هەمیش وت: هەرێم کوردستان و گشت هیز و لایەنەیل و پیکاتەیل و دوو حزب پارتی و یەکێتی وەتایبەت ئەوەسا وە پشتگردن و یکڕزی رەسنە سەرکەفتن، و جەخت کرد ک شکستهاوردن یەکیگمان سەرکەفتن ئەوەکە نییە، و سەرکەفتن و شکستمان هاوبەشە.
دووپات کرد ک یەکڕزی و پشتگردن و هاوبەش بوودە سەرکەفتن ئەرا ئیمە و کوردستان و گشت پیکاتەیل لە هەرێم، و وە پیچەوانەوەی ئەوە، گشتمان شکیەیمنەو و شکست خوەیمن.
هەمیش وت: ئمڕوو، لەناو ئی رسوومەیلە، جاریگتر بانگەواز ئەرا هیز و لایەنەیل سیاسی کەیمن، گرفت و ناکۆکیەیل بخەنە کنار، و با وە گفتوگۆ و لەیەکڕەسینەوە چارەسەریان بکەیمن، وەگەرد چەودیاریکردن یەکڕزی و پشتگردن.
