نێچیروان بارزانی لە باکوەو: نووڕیمنە قایمکردن پەیوەندیەیل ناوەین کوردستان و عراق وەگەرد ئازەربایجان
نێچیروان بارزانی لە هەژمار فەرمی خوەی لەبان تویتەر نویسان: خوەشهاڵم ک سەردان ئازەربایجان بکەم و چەوم بکەفێدە سەرۆک ئیلهام عەلیێف لە باکو، سوپاس لە سەرۆک کەم ئەرا پیشوازیکردن گەرمی.
وتیش؛ نووڕمە قایمکردن پەیوەندیەیل ناوەین هەرێم کوردستان و عراق وەگەرد ئازەربایجان.
وەگەرد رەسین سەرۆک بارزانی، ئمڕوو، گردەوبوینیگ وەگەرد ئیلهام عەلیێف سەرۆک ئازەربایجان ئەنجام دا، و وەکەرۆێ باس پەیوەندیەیل دووانی هەولێر و بەغداد وەگەرد باکو کرد، و قایمکردن ئابووری و گواستنەوەی بازرگانی ناوەین دوو وڵاتەگە، وەگەرد باوەتەیلیگتر ک لەلای هەردوگ لایەنەگە گرنگە.
وەرجەیە، لە ١٨ی شوبات گوزەشتە، لە بەشداریکردن نێچیروان بارزانی لەناو کۆنگرەی ئاسایش میونخ، لە پەراویز کۆنگرەگە چەوی کەفتە سەرۆک ئازەربایجان و لەورا مکیسی ئەرا سەردان باکو کرد.
لەلای خوەییش، سەرۆکایەتی هەرێم کوردستان لە وتاریگ سیاسی لە پەراویز سەردانکردن سەرۆک هەرێم کوردستان نێچیروان بارزانی ئەرا ئازەربایجان، ک رەسیە ئاژانس شەفەق نیوز، لەناوی وت: تەقەلایلیگ ئامانجدار لەلایەن سەرۆک هەرێم کوردستان ئەرا قایمکردن پەیوەندیەیل عراق و هەرێم کوردستان لەڕوی هەرێمی و ناودەوڵەتی.
وتیش؛ پایەی عراق و هەرێم کوردستان لە ناوچەگە و جەهان سەرقاڵی کار دیبلۆماسیە لەلای سەرۆک هەرێم کوردستان.
دووپات کرد ک قایمکردن پەیوەندیەیل دیبلۆماسی هەرێم کوردستان، پەیوەندیەیل دەیشتەکی عراق و پایەی ناودەوڵەتیی قایم کەێد.
