نێچیروان بارزانی لە بەغدادەو داوای چارەکردن گیچەڵ مووچەیل و بوودجەی کوردستان کەێد
ئەوەیش لە وتاریگ هات کە لە ناو ڕێوڕەسم فەرمی یادکردن “رووژ شەهید عراق”، ساڵیاد تیرۆرکردن ئایەتوڵڵا محمد باقر ئەلحەکیم، کە ڕێوڕەسمەگەی لە بەغدای پایتەخت وەڕیەو چگ.
نێچیروان بارزانی، سەرۆک هەرێم کوردستان وتیش “لەوەر نەبوین مووچە و بودجەی مسۆگەر لە هەرێم کوردستان، فەرمانبەرەیل و خەڵک کەفتنەسە رەوشیگ فرە بەد، ئی باوەتەیشە کاریگەری فرە بەدیگ لەبان گشت سکتەرەیل هەرێم بویە”، وتیش: ئەراوە فرە گرنگە چارەسەرکردن ئی گرفت گەورە وە زویترین وەخت” یەیش گشتی وەرپرسیارێتی ئیمەس چوینکە هەرێم کوردستان و کارمەنەیلی بەشیگن لە عراق”.
سەرۆک هەرێم داوا لە سەرجەم سەرکردە و لایەن و بلۆکە سیاسییەیل و سەرجەم ئەندامەیل ئەنجومەن نوێنەرەیل عراق کرد پاڵپشتی بکەن وەخاتر رەسین وە چارەسەرییگ ئەرا گیچەڵ بودجە و مووچەی فەرمانبەرەیل هەرێم کوردستان.
وتيش؛ حکومەت فیدراڵی عراق وە سەرۆکایەتی برا بەڕێزەگەم محمد شیاع سودانی کاریگەرانە کار کردنە و یەیش بویە مدوو قایمکردن پێگەی عراق و ئی شیوازە کارکردنیشە بەسە ئەرا زیاتر چەسپیان پێگەی وڵاتەگەمان.
