نێچیروان بارزانی سەردان ئەڵمانیا کەێد ئەرا بەشداریکردن لە کۆنگرەی میونخ

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە ماوەی کۆنگرەگە سەرۆک نێچیروان بارزانی دیدار و گردەوبوین وەرد ریبەر و گەورە وەرپرسەیل دەوڵەتەیل دیرێد، کە ئەوەسا وەگەردیان باس را و نووڕینیان لە باوەتەیل ئەمنی و سەختیەیل لەناوی ئاسایش و ئارامی عراق و ناوچەگە و جەهان کەن، و بڕێزی نووڕین هەرێم کوردستان لەی باوەتەیلە خەێدە وەردەس.

وەگورەی بەیاننامەگە، سەرۆک هەرێم کوردستان ئەوسا باس شیوەیل قایمکردن پەیوەندیەیل و نواگیری تیرۆر و هاوکاری هاوبەش لە چین ئاسایش و گرنگی کار هاوبەش و تەقەلای مقیەتیکردن ئاسایش و ئارامی عراق و خوەرھەڵات ناوڕاس و دویرخستنیان لە ئاڵووزی و ژاوەژاوەیل، وەگەرد ریبەر و وەرپرسەیل ئەو وڵاتەیلە کەێد کە وەگەردیان گردەو بوود.