نێچیروان بارزانی سەرەخوەشی وە کوشیان خامەنەئی کەێد و داوای وسانن جەنگ کەێد
2026-03-01T13:41:06+00:00
شەفەق نيوز– هەولێر
نێچیروان بارزانی سەرۆک هەرێم کوردستان، ئمڕوو یەکشەممە، سەروەخوەیی وە کوشیان عەلی خامەنەئی ریبەر باڵای ئیران ئەرا گەل و حکومەت و سەرکردایەتی ئیران پیشکەش کرد، و باس هاوخەمیی کرد لەی پرسە.
بارزانی لە بەیاننامەیگ رەسیە ئاژانس شەفەق نیوز وت: پرسە و سەروەخوەی لە گەل و حکومەت و سەرکردایەتی ئیران کەیمن وە شەهیدبوین رەحمەتی ئایەتوڵڵا خامەنەئی، ریبەر باڵای کۆمار ئیسلامی ئیران، و زانای ئایینی ناودیار، و هاوخەم و هاوبەشیانیمن لەی پرسەی زیاندارە.
لەباوەت نووەوبویەیل هەرێمی، سەرۆک هەرێم کوردستان دووپات کرد لە گرنگی مقیەتیکردن ئاسایش و ئارامی، دووپاتیش کرد لە گرنگی نووڕستن کێشەیل وە شیوەیل ئاشتیانە.
هەمیش داوا لە کۆمەڵگای ناودەوڵەتی کرد ئەرکەیلی جیوەجی بکەێد لە وسانن جەنگەیل و گلەوداین ئارامی ئەرا ناوچەگە.
