نێچیروان بارزانی پیرووزبایی رووژ ئاڵای کوردستان کەێد: لەژیر سایەی ئەو کوردستانیەیل خەبات کردن

سەرۆک نێچیروان بارزانی لە ڤیدیۆیگ کە لەبان تووڕ "ئێکس" بڵاویکردیە، لە یەکیگ لە ئاهەنگەیلە وە وتاریگ قسە لەباوەت ئێ بوونە کەێد.

سەرۆک هەرێم وت "لەژیر سایەی ئێ ئاڵا کوردستان و کوردستانیەیل خەبات کردن لەپێناو یەک ئامانج ئەویش وەرگردن ماف میلەت کوردستانە".

میلەت کوردستان لە 17 کانوون یەکەم  گشت ساڵیگ لە رووژ "ئاڵای کورد" ک بونەیگ نیشتیمانیە ئاهەنگ ئەنجامدەن، شمارەیگ چالاکی جیاواز ئەنجامدەن و ئاڵا لە گشت فەرمانگە و رێکخریاگەیل حکومی بەرزەوکرێد وە ئامادەبوین وەرپرسەیلو کەسەیل دیار کۆمەڵایەتی و هونەری و سیاسی.

ئەرا یەکەمین جار پەرچەم کوردستان وە شیوەی فەرمی وەرجە 78 ساڵ بەرزەوکریا وە دیارکریاگی لە ساڵ 1945 لەبان بینای شارەوانی مەهاباد  لە خوەرهەڵات کوردستان.

لە دویای 57 ساڵ پەرلەمان هەرێم کوردستان رووژ 17 کانوون یەکەم گشت ساڵیگ دیاریکرد  ئەرا ئاڵای کورد وەپای بڕیار  (26) ساڵ 1999، لەو رووژە لە مەکتەوەیل هەرێم کوردستان چالاکی جوراوجویر ئەنجامدریەێد و رێز لە ئاڵا گیریەێد لەناو فەرمانگە و دامودەزگایەیل پرتال کوردی پووشن.

ئاڵای کوردستان لە سێ رەنگ پێکهاتیە  لەناوڕاسی خوەریگ هەس، رەنگ سوور نیشانەی شۆرشە، ئازایەتی و هاز و دادپەروەری، رەنگ زەرد نیشانەی رووشناییە، و رەنگ چەرمگ وە مانای ئاشتی و بی وەیی تێد، رەنگ سەوزیش نیشانەس ئەرا ئەو سەوزاییە کە کوردستان خاوەنیە.