نێچیروان بارزانی دەسخوەشی لە تەقەلایل باڵیۆز بەریتانیا لە پشتگیریکردن عراق و کوردستان کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، پیشوازی کرد لە ستيفن هيگن، باڵیۆز بەریتانیا لە عراق کرد، وە بوونەی تەواوبوین ئەرکەیلی.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی لە دیدارەگە نرخدار تەقەلایل باڵیۆز بەریتانیا کرد لە قایمکردن پەیوەندییەیل ناوەین بەریتانیا و عراق و هەرێم کوردستان، و ئافەرین لە ڕۆڵی کرد لە پاڵپشتیکردن هاوکاری هاوبەش لە جویراجویر چینەیل، و ئارەزوو سەرکەفتن لە ئەرکەیل نووی ئەرای خوازێد.
لەلای خوەییش؛ باڵیۆز بەریتانیا سوپاس لە حکومەت و گەل هەرێم کوردستان کرد ئەرا هاوکاری و پیشکەشکردنیان، و دووپات کرد لە وەردەوامی پشتگیریکردن وڵاتەگەی ئەرا عراق و هەرێم لە گشت چینەیل.
پەیوەندییەیل بەریتانیا و عراق و هەرێم کوردستان، وەگەرد بڕیگ باوەت گرنگ، تەوەرەیل ناو ئەو دیدارە بوین کە هەمیش قونسوڵ گشتی بەریتانیا لە هەرێم کوردستان ئامادەی بوی.
