نێچیروان بارزانی باس پتەوکردن پەیوەندییەیل وەرد بولگاریا کەێد و کاروانەیل ئاسمانی ڕاستەخۆ وەرەو ئەرمینیا
شەفەق نیوز / ئمڕوو شەممە، نێچیروان بارزانی، سەرۆک هەرێم کوردستان لە گفتوگۆەیلی وەرد سەرۆک بولگاریا خواست هەرێم کوردستان ئەرا فراوانکردن پەیوەندی وەرد سۆفیا ئاشکرا کرد، لە وەختیگ وەرد سەرۆکوەزیرەیل ئەرمینیایش گفتوگۆ کرد لەباوەت وەڕێوەبردن گەشتە ڕاستەوخۆیل ناوەین هەولێر و یەریڤا.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: لە چوارچیوەی کارنامەی سەرۆک بارزانی لە چوارچێوەی کۆنفرانس ئاسایش میونشن، دویای نیمەڕو ئمڕوو، وەگەرد ڕومن ڕادێڤ، سەرۆک بولگاریا گردەو بوی، و لە دیدارەگە باس پەیوەندییەیل ناوەین عراق و هەرێم کوردستان وەرد بولگاریا کریا، و شیوەیل بەرزکردن هاریکاری هاوبەش لە بوار ئابووری، بیجگە لە رەوشەیل سیاسی و ئەمنی عراق و ناوچەگە.
سەرۆک نێچیرڤان بارزان دووپات لە گرنگی فراوانکردن پەیوەندییەیل هەرێم کوردستان وەرد بولگاریا کرد، و دەسخوەشی لە ڕۆڵ گورج بولگاریا لە چوارچێوەی هاوپەیمان ناودەوڵەتی لە نواگیریکردن تیرۆر کرد.
بارزانی دووپات لە گرنگی وازکردن ئاسوو نوویگ ئەرا هاوکاری لە بوارە جیاجیایل ناوەین هەردوگلا کرد.
لەلای خوەییش، ڕومێن ڕادێڤ، سەرۆک بولگاریا ئامادەیی وڵاتەگەی ئەرا پتەوکردن پەیوەندییەیلی وەرد هەرێم کوردستان نشان دا و باس گرنگیی هاریکاری لە بوارەیل ئاسایش و ئابووری کرد، و رووشنایی خستە بان ئەو ڕۆڵ سەرەکییە کە هەرێم کوردستان رانێد لە قایمکردن سەقامگیری لە عراق و ناوچەگە.
لە بەیاننامەیگ ترەک سەرۆکایەتی هەرێم کوردستان وت: ئمڕوو نێچیرڤان بارزانی سەرۆک هەرێم کوردستان، لە چوارچێوەی دویەم رووژ کۆنفرانس ئاسایش میونشن، وەگەرد نیکۆل پاشینیان سەرۆک وەزیرەیل ئەرمینیا گردەو بوی.
لەی دیدارە باس پەیوەندییەیل ناوەین عراق و هەرێم کوردستان وەرد ئەرمینیا کریا، بیجگە لە ریەیل بەرزکردن هاوکاری لە بوارەیل ئابووری و رووشنهویری و کار و بازرگانی.
لە دیدارەگە سەرۆک بارزانی دووپات لە خواست هەرێم کوردستان کرد ئەرا فراوانکردن پەیوەندییەیلی وەرد ئەرمینیا، کە بوارەیل فرەیگ هەس کە هەردوگلا توەنن هاوکاری بکەن، وەتایبەتی لەو کارەیلە کە خزمەت بە بەرژەوەنییەیل هەردوگلا کەن.
هەرلیوا، هەردوگلا باس لە ئەگەر ئەنجامدان گەشت ڕاستەوخۆی کاروانەیل ئاسمانی ناوەین هەولێر و یەریڤان کردن.
لەلای خوەییش نیکۆل پاشینیان، سەرۆک وەزیرەیل ئەرمینیا خواست ئەرمینیا ئەرا چەسپانن پەیوەندییەیلی وەرد عراق و هەرێم کوردستان ئاشکرا کرد و ئافەرین لە ڕۆڵ هەرێم جویر شیوەی وەیەکەوژیان و سەقامگیری لە ناوچەگە کرد.
رەوشەیل سیاسی و ئەمنی خوەرهەڵات ناوڕاس و بریگ باوەت ترەک لەناو ئەو دیدارە باس کریا.
