نێچیروان بارزانی ئاشکرای ئارەزووی کەێد وە فراوانکردن چینەیل هاوکاری وەرد ژاپۆن
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، ئەرا باڵیۆز نوو ژاپۆن لە عراق ئاشکرای ئارەزوو هەرێم کوردستان کرد وە فراوانکردن چینەیل هاوکاری هاوبەش وەرد ژاپۆن لە جویراجویر کەرتەیل.
نویسنگەی راگەیانن سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، نیمەڕو ئمڕوو، پیشوازی لە ئەكيرا ئیندو، باڵیۆز نوو ژاپۆن لە عراق کرد، و پیرووزبایی وە وەرگردن پۆستەگەی کرد، و ئومید سەرکەفتن ئەرای خوازێ.
بارزانی دووپات لە پشتگیریکردن تەواو هەرێم کوردستان ئەرا سەرکەفتن کارەگەی کرد، و دووپات لە ئارەزوو هەرێم کوردستان لە قایمکردن پەیوەندییەیل دووانی و فراوانکردن چینەیل هاوکاری هاوبەش لە جویراجویر کەرتەیل.
لەلای خوەییش، باڵیۆز ژاپۆن باس خوەشاڵیی وە دەسکردن وە ئەرکەیلی و سەردانکردن هەرێم کوردستان کرد، و ئاشکرا کرد کە وڵاتەگە گرنگی گەورە دەێدە پەیوەندییەیلی وەرد عراق و هەرێم کوردستان، و باس ئومید خوەی وە گەشەپیدان ئی پەیوەندییەیلە لە ماوەی کارکردنی کرد.
نویسنگەی راگەیانن سەرۆکایەتی هەرێم کوردستان دووپاتیش کرد کە لە دیدارەگە باس هەڵوژاردن پەرلەمان کوردستان، و تەقەلایل دروسکردن حکومەت نوو کریا، وەگەرد دویایین گەشەیل لە هەرێم و ناوچەگە، وە ئامادەبوین قونسوڵ ژاپۆن لە هەرێم کوردستان.
